venres, 26 mar 2010
O secretario xeral de Cooperación Local do Ministerio de Política Territorial, Gaspar Zarrías, visitou hoxe as obras do pavillón polideportivo e campo de fútobl de herba sintética que se están a construír en Navia con cargo aos fondos do Plan E. As novas infraestruturas deportivas, cun investimento cercano aos 6 millóns de euros, estarán rematadas no mes de xuño.
luns, 22 mar 2010
O tenente de alcalde, Santi Domínguez, e o concelleiro de Deportes, Xabier Alonso, amosaron hoxe a súa satisfacción pola concesión ao Concello de Vigo do Premio Consejo Superior de Deportes, dentro dos denominados Premios Nacionales del Deporte 2009. Santi Domínguez considera que a decisión tomada polo xurado "referenda" a política deportiva de Tenencia de Alcaldía e a Concellería de Deportes de Vigo neste mandato municipal. "Non se nos dá non por unha cuestión puntual senón por unha traxectoria, o que nos enche de orgullo", dixo o tenente de alcalde en conferencia de prensa.
luns, 15 mar 2010
O concelleiro de Deportes, Xabier Alonso, destacou hoxe que o XI Trofeo Cidade de Vigo de Mountain Bike, que terá lugar esta fin de semana, inclúe como novidade a celebración dunha pedalada popular. Na presentacion da proba, o edil salientou a espectacularidade do descenso, no monte Fragoselo de Coruxo, polo que asegurou que "Vigo é todo un reto para os afeccionados a este deporte".
venres, 12 mar 2010
O concelleiro de Deportes, Xabier Alonso, expresou este venres os seus parabéns á atleta Soledad Castro, que vén de proclamarse campiona de medio maratón no Campionato do Mundo de pista cuberta para veteranos que se celebrou a semana pasada en Canadá. Na recepcion celebrada na Concellería de Deportes, o concelleiro agasallouna cun exemplar da obra "Vigo cidade das ondas", con textos do xornalista Eduardo Roland e imaxes do fotográfo Javier Teniente.
martes, 9 mar 2010
O concelleiro de Deportes, Xabier Alonso, presentou hoxe a segunda edición do Circuíto de Carreiras Populares Cidade de Vigo, unha liga pedestre que para o concelleiro é "unha iniciativa que vén para quedar no tempo", xa que, segundo afirmou "cada vez hai máis xente que se pon unhas zapatillas e sae a correr". O edil subliñou na presentación que, polos premios, "o circuíto é único en todo o Estado". Como na edición de 2009, hai 9.200 euros en premios para os tres mellores de cada unha das dez categorías, cun máximo de 1.200 para o campión e para a campioa senior e un mínimo de 100 para o terceiro ou terceira clasificada.
luns, 8 mar 2010
O tenente de alcalde, Santi Domínguez, e o concelleiro de Deportes, Xabier Alonso, visitaron este luns as obras do pavillón e o campo de fútbol de Navia, que contaron cun investimento de case 6 millóns de euros financiados polo Plan E correspondente ao 2009. Na súa intervención, o tenente de alcalde destacou que a finais do mes de xuño "será realidade o segundo polideportivo de Vigo tras As Travesas".
luns, 15 feb 2010
O concelleiro de Deportes, Xabier Alonso, defendeu hoxe o impulso da práctica deportiva ás persoas de todas as idades, tal e como promove o programa "Deporte é só deporte", que este ano chega a súa duodécima edición. O edil convidou aos vigueses e viguesas a practicar algunha das iniciativas propostas, como fútbol sala sen árbitros, kinball, bádminton ou cachibol.
xoves, 11 feb 2010
O concelleiro de Deportes, Xabier Alonso, avanzou este mércores que o vindeiro sábado, 13 de febreiro, o pavillón de Teis acollerá o campionato galego de Loitas Olímpicas nas categorías sénior e cadete, organizado polo Club San Ignacio. Nas probas participarán máis de 125 deportistas procedentes dun total de 22 clubs de toda Galicia.
xoves, 11 feb 2010
O concelleiro de Deportes, Xabier Alonso, destacou este venres que os representantes da Federación Española de Fútbol expresaron os seus parabéns ao Concello de Vigo polo proxecto de reforma do estadio de Balaídos, que se inclúe na candidatura da cidade para ser unha das sedes do Mundial de Fútbol dos anos 2018 ou 2022. Os representantes federativos mantiveron unha reunión de traballo para analizar os diferentes aspectos da candidatura de Vigo e foron tamén recibidos polo alcalde e o tenente de alcalde.
xoves, 4 feb 2010
O concelleiro de Deportes, Xabier Alonso, expresou hoxe os seus parabéns ao iudoka vigués Miguel Romero, polo seu título de campión de España de menos de 73 kilos. En "recoñecemento ao seu esforzo e traballo", o edil nacionalista entregoulle un exemplar do libro "Vigo cidade das ondas" no trancurso dunha recepción na Concellería de Deportes, na que tamén participou o presidente da Federación Galega de Iudo, Mario Muzas.