venres, 23 abr 2021
A praza Eduardo Chao, o Mercado de Teis e a Praza de América acolleron senllos actos de lectura pública nos que a cidadanía compartiu algún fragmento dos seus libros favoritos. O alcalde achegouse á Praza de América e compartiu coas persoas presentes unha parte da súa novela “O inverno das almas desterradas” e puxo en valor a profesión dos libreiros como “transmisores da cultura” e como transmisores de “coñecemento, paixón, imaxinación, capacidade de sentir” a través dos libros.
venres, 23 abr 2021
O alcalde comunicou a decisión de prorrogar un ano o contrato de limpeza dos centros públicos de Infantil e Primaria e das escolas infantís municipais, que inclúe medio millón de euros para facer fronte ao protocolo contra o Covid. “A Xunta está recibindo inxentes recursos de Europa para pagar este gasto e o Concello recibe cero da Xunta para desinfección”, denunciou Caballero.
xoves, 22 abr 2021
Mañá venres, 23 de abril, Día Internacional do Libro, Vigo acollerá diferentes actividades para conmemorar a data. O alcalde avanzou algunhas das propostas municipais para esta xornada e convidou á cidade a sumarse á celebración da data.
luns, 19 abr 2021
O próximo 23 de abril o MARCO ofertará varios obradoiros infantís para conmemorar o Día do Libro, unha actividade que se sumará a unha nova edición de Bookcrossing á que o museo se suma desde hai 15 anos, aínda que este ano será virtual por razóns de pandemia.
venres, 16 abr 2021
O alcalde, representantes da Fundación Penzol e a familia da autora – o seu fillo e a súa nai- a quen se lle dedica o Día das Letras Galegas 2021, asistiron á apertura da exposición que permanecerá aberta ata o 31 de maio.
venres, 16 abr 2021
A peza escénica, creada por Fernando Abreu, está baseada no derradeiro poemario de Xela Arias “Intempériome” e conta coa música de Pablo Carrera, o cinema en directo de Roi Fernández e a voz de Mónica de Nut mesturada coa da propia escritora.
venres, 9 abr 2021
É o primeiro artista galego en conseguir un Grammy por un disco propio, “Terra”, e o primeiro en España en gañar dous Hollywood Music in Media Award. Home “moi vinculado a Vigo”, Minimalia foi recibido este venres na Alcaldía por Abel Caballero.
venres, 9 abr 2021
As salas de concerto son un desenvolvemento cultural moi importante na cidade, con 1.000 actuacións ao ano -en condicións de non pandemia -, tal e como constatou esta mañá o rexedor logo de manter un encontro cos responsables de La fábrica de chocolate e La Pecera. Neste contexto e pensando xa no postcovid, o alcalde defendeu a oportunidade de converter estes locais en espazos culturais.
martes, 6 abr 2021
O Concello aceptou a doazón de terreos do Colexio Mariano, que permitirá ampliar a rúa Talude en case que dous metros, segundo informou este martes Abel Caballero. A cidade reserva 750.000 euros para a humanización da vía e construción de escaleiras mecánicas.
mércores, 31 mar 2021
O goberno de Vigo presentou a moción no Pleno deste mércores, que conseguiu o respaldo de todos os grupos salvo do Partido Popular, que se abstivo. O texto solicita do executivo de Feijóo unha achega ao festival “acorde á contribución económica que xera para Vigo e para Galicia”.