O Auditorio Municipal vai ser o escenario onde se representarán, a partir do 10 de febreiro, as obras do programa "Con T de Teatro", destinadas todas elas ao público familiar. As representacións realizaranse os sábado ás 18 horas , con entradas a tres euros para os adultos e a dous para o publico infantil ata os 12 anos.<br />
O MARCO acolle a partir de hoxe venres a mostra colectiva "Entre fronteiras", que fala do modo en que as fronteiras definen, cuestionan e documentan o noso mundo contemporáneo, tendo en conta as numerosas transformacións sociopolíticas, culturais e económicas dos últimos anos, así como os cambios na maneira de comunicarnos e na nosa capacidade de viaxar.
O artista vigués Diego Santomé está a realizar nas instalacións do obradoiro de Cerámica da Escola de Artes e Oficios a obra "Traballos Inútiles", que será exhibida na feira internacional de arte contemporánea ARCO 2007 de Madrid.
A primeira parte da exposición "Expoarte e Oficios" finaliza mañá mércores na Escola de Artes e Oficios. A mostra poderá visitarse novamente a partir do 20 de febreiro, acrecentada con novos traballos dos alumnos e profesores da Escola.
La primera parte de la exposición "Expoarte y Oficios" finaliza mañana miércoles en la Escuela de Artes y Oficios. La muestra podrá visitarse nuevamente a partir del 20 de febrero, acrecentada con nuevos trabajos de los alumnos y profesores de la Escuela.
Os que se acheguen ao MARCO esta fin de semana terán a oportunidade de visitar un espazo de exhibición, consulta e lectura dun conxunto de edicións impresas reunidas na exposición "PAPERBACK. Edicións baratas". Libros, carteis, adhesivos e outras pezas gráficas darán conta nesta mostra da renovación e vitalidade destes materiais nos últimos anos.
Desde as 10.00 horas de hoxe venres, os membros da Fundación Laxeiro estiveron examinan un total de 141 pezas atribuídas a Laxeiro. Coleccionistas privados de toda Galicia achegaron estas obras á Fundación para que as catalogue.
A Concellaría de Cultura presenta unha exposición de producción propia sobre a primeira arquitectura da modernidade en Vigo: "Arquitecturas de Vangarda. Vigo, 1933-1944". A mostra inaugúrase hoxe xoves ás 20.00 horas na Casa das Artes.
Continúa aberto ata o próximo venres 26 de xaneiro o prazo de inscrición do curso "Contextos e proxectos de Arte Pública", que se impartirá no MARCO do 29 de xaneiro ao 2 de febreiro.
O MARCO presentou hoxe xoves as súas actividades para o periodo xaneiro-abril, acompañadas da programación de exposicións para o periodo xuño-decembro. Ademais, deu a coñecer a cifra de visitantes recibidos durante 2006, que foi de 72.470.