O museo Verbum – Casa das Palabras acolle do 25 de marzo ao 27 de abril a exposición temporal "O HIMNO. OS TEMPOS SON CHEGADOS", con motivo do centenario da interpretación do Himno Galego na Habana o 20 de decembro de 1907.
O concelleiro de Cultura, Xesus López, presentou este venres a programación de teatro "Vigo a Escena" para o primeiro semestre do 2008, que continúa esta fin de semana con catro representacións en distintos puntos da cidade, como son o instituto Santa Irene, o Centro Cultural de Valladares, a Asociación de Veciños Monte da Mina de Castrelos e a Asociación de Veciños San Xurxo de Saiáns, ademais das dúas funcións da programación estable de teatro municipal que terán lugar no Auditorio Municipal. Segundo o concelleiro nacionalista, que na presentación estivo acompañado polo responsable da programación de Artes Escénicas do Concello, Xerome Calero, deste xeito, a programación teatral organizada dende o Concello cumpre, o seu principal obxectivo de "descentralización cultural".
A Biblioteca Central de Vigo, ubicada na rúa Joaquín Yáñez, pecha as súas portas de xeito temporal dende o vindeiro luns 17 de marzo ata o día 23 para realizar traballos de mantemento. Segundo informa a dirección da biblioteca, estes traballos consisten na aplicación de tratamentos preventivos de pragas de insectos e roedores, de xeito que o luns día 24 reabriranse os servizos aos usuarios.
Coa obra "Sempre ao lonxe", interpretada pola compañía Mofa e Befa, continúa mañá, 14 de marzo, a programación estable de teatro para adultos para o primeiro semestre de 2008, posta en marcha pola Concellería de Cultura e Animación Sociocultural. As representacións, que terán lugar no Auditorio Municipal ás 21:00 horas, serán mañá e pasado, 14 e 15 de marzo.
O gran interese que a mostra "Artifex. Enxeñería romana en España" ten despertado no público vigués amósase no feito de que dende a súa inauguración o pasado 27 de febreiro e ata o 11 deste mes de marzo foron 675 persoas as que se achegaron ao Museo de Castrelos para coñecer o legado técnico da enxeñería romana a través das súas innovacións e logros en diversos ámbitos.
A presentación do Museobús, iniciativa de Vitrasa e da Fundación Laxeiro, contou coa presenza do alcalde de Vigo, Abel Caballero, e o concelleiro de Cultura, Xesús López. O obxectivo do proxecto é achegar a obra de Laxeiro aos cidadáns e visitantes de Vigo. Dous dos autobuses levarán rotulada a obra do pintor tamén no exterior dos mesmos.
A Casa das Artes acolle dende mañá 14 de marzo e ata o vindeiro 13 de abril a exposición "Algoritmi dixit", do artista Darío Basso. Trátase dun proxecto integrado por unha instalación que envolverá o patio interior da Casa das Artes e dous vídeos con música de instrumentos exipcios (nay), ademais de imaxes do proceso pictórico levado a cabo polo artista galego, ocupará un contorno expositivo que desaparecerá baixo unha tonelada de pintura que o cubrirá por completo.
No limiar do Casco Vello e ás portas da festa da Reconquista de Vigo, a Casa Galega da Cultura acolle dende mañá 13 de marzo e ata o vindeiro 6 de abril a exposición "Entre teas da Reconquista", integrada por pinturas do artista Xabier Lemos e traxes do obradoiro de Patricia González. A inauguración desta mostra, prevista ás 20 horas, enmárcase no conxunto de actos programados con motivo da festa Reconquista deste ano.
Baixo o título de "O misticismo nas culturas europeas", o Ciclo de Música Sacra de Vigo celebrará a súa oitava edición cunha serie de catro concertos na igrexa de María Auxiliadora do luns 10 ao sábado 15 de marzo. Destaca a presenza do conxunto Barbara Furtuna, que por primeira vez traerá a unha cidade española as súas polifonías corsas.
Bajo el título de "El misticismo en las culturas europeas", el Ciclo de Música Sacra de Vigo celebrará su octava edición con una serie de cuatro conciertos en la iglesia de María Auxiliadora del lunes 10 al sábado 15 de marzo. Destaca la presencia del conjunto Barbara Furtuna, que por primera vez traerá a una ciudad española sus polifonías corsas.