martes, 13 abr 2010
O tenente de alcalde, Santi Domínguez, anunciou este martes o investimento de 256.000 euros a cargo do Plan FEIL 2010 para o desenvolvemento das actuacións de reforma e mellora do auditorio municipal de Castrelos. O concelleiro salientou que é unha actuación necesaria para reparar os desperfectos causados polo paso do tempo e pola falta de mantemento do anterior goberno local. O obxectivo é que as obras estean rematadas para o inicio da temporada de concertos, que abrirá Norah Jones o 14 de xullo.
luns, 12 abr 2010
O concelleiro de Cultura, Xesus López, presentou este luns a actuación que o grupo Berrogüetto ofrecerá o vindeiro xoves, 15 de abril, no teatro do Centro Cultural Caixanova. O edil explicou que neste concerto Berrogüetto presentará o seu último disco "Kosmogonías", que conta coa colaboración de Rosa Aneiros e Manuel Rivas.
venres, 9 abr 2010
O sábado 10 de abril de 12 a 13:30 o debuxante Alex Cal dará unha charla coloquio na sala de audiovisuaies da Biblioteca Pública Central de Vigo, situada en Joaquín Yáñez nº 2. Ademais durante este mes poderase ver unha mostra de orixinais do dubuxante expuestos na biblioteca. Alex Cal é o español mais xove en publicar e traballar para a Marvel facendo un número da serie Spiderman no ano 2008. En España están editados o seu numero de Spiderman e a serie North Wind, este último por El Patito Editorial.
xoves, 8 abr 2010
O vindeiro domingo 25 de abril o museo Verbum celebra o seu VII ANIVERSARIO. Para conmemoralo o museo oferta un espectáculo teatral especialmente deseñado e producido para o Verbum, que axudará a ampliar o panorama cultural e artístico da exposición permanente, verdadeira protagonista da representación. A representación terá lugar os días 10,17,23,24 e 15 de abril con sesións ás 12.00 e as 18.00 horas
xoves, 8 abr 2010
O concelleiro de Cultura, Xesus López, presentou este xoves a programación correspondente ao Vigo a Escena 2010, que nesta nova edición inclúe 98 representacións de 23 compañías teatrais. Ademais, na presentación, o edil salientou que este ano se integra de forma paralela o circuíto de compañías profesionais e o de compañías afeccionadas, respostando así a unha vella demanda do ámbito teatral.
martes, 6 abr 2010
O concelleiro de Cultura, Xesus López, presentou este martes o novo Coro Cidade de Vigo, que ten aberto o prazo de inscrición ata o 1 de maio para efectuar a selección das voces os días 7 e 8 de maio no Conservatorio Superior de Música. O edil salientou que este coro nace como complemento do programa "Vigo, un mar de corais" que promove a Concellería de Cultura coas diferntes corais da cidade e co obxectivo de promover a práctica musical dos seus integrantes.
mércores, 31 mar 2010
Está aberto o prazo de inscrición para o obradoiro "Identidade e diferenza na literatura. Obradoiro de lectura" que terá lugar no Verbum Casa das Palabras tódalas tardes do mes de abril a partir do vindeiro martes 6. O obradoiro diríxese a todo tipo de público interesado na temática proposta e con querenza pola lectura, ten inscrición gratuíta,cun aforo de 40 persoas.<br />
mércores, 31 mar 2010
O tenente de alcalde, Santi Domínguez, anunciou este mércores que o vindeiro 22 de maio actuará Alejandro Sanz no Ifevi, onde presentará o seu último disco "Paraíso expréss". Na presentación do concerto, na que tamén participou o concelleiro de Cultura, Xesus López, o xerente do recinto feiral, Arsenio prieto, e o promotor Jesús Manzano, o nacionalista salientou que Sanz é "o mellor cantante español de nivel internacional que se pode presentar" na actualidade. Xa están á venda 10.000 entradas, a un prezo de 30 euros a entrada xeral e 55 euros a correspondente ao "Espazo Paraíso", para a que estarán dispoñibles 600 entradas.
martes, 30 mar 2010
Diante do éxito de público que está a rexistrar, a mostra "Xoias da Colección Álvarez: Esplendor cerámico de Vigo", prorroga o seu tempo de exposición unha semana máis do inicialmente previsto. Así a mostra se poderá visitar na Casa das Artes ata o 25 de abril e non ata o día 18 como inicialmente estaba previsto. O horario de luns a venres é de 18 a 21.30 horas; os sábados de 11 a 14 horas e de 18 a 21.30 horas e os domingos e festivos de 11 a 14 horas. Para participar nas visitas guiadas é previso reservar chamando ao teléfono 986 295 070.
venres, 26 mar 2010
O tenente de alcalde, Santi Domínguez, destacou a importancia que as humanizacións acometidas no Casco Vello terán na celebración este ano Festa da Reconquista. Na presentación da programación deste ano, xunto ao presidente da Asociación de Veciños do Casco Vello, Henrique Macías, e o concelleiro de Patrimonio Histórico, Eudosio Álvarez, o concelleiro salientou a proxección que a festa, que se celebra esta fin de semana, ten xa fóra da nosa cidade.
