mércores, 10 mar 2010
O Festival Alternativo das artes escénicas de Vigo ponse a andar este xoves, 11 de marzo, en varios escenarios e rúas da cidade que por un espazo de tempo convertese nun referente do traballo experimental, a escena libre, os novos creadores e as linguaxes afastadas dos estereotipos mediáticos. O programa deste evento iníciase a partir das 14 horas no espazo entrada ó teatro da Cidade Universitaria coa posta en escena de Exstrada, da compañía francesa Etxea.
venres, 5 mar 2010
"A roupa á beira do mar" é o título da exposición que se abre este sábado na Casa Galega da Cultura (Praza da Princesa, 2) e que permanecerá en cartel ata o 4 de abril. A mostra serve para facer a recreación dunha xornada nos albores do século XIX na popular praza do Berbés, ademáis de formar parte da programación de actos deste ano relacionados coa Reconquista da Vila de Vigo.
xoves, 4 mar 2010
A Fundación Pedro Barrié de la Maza (Policarpo Sanz, 31) acolle desde hoxe e ata o 30 de maio a exposición "Català-Roca. Obras maestras", o resultado dun ambicioso proxecto de investigación e de recuperación da obra dun autor fundamental na renovación da fotografía da década de 1950. A mostra ofrece 150 fotografías en blanco e negro de Frances Català-Roca (1922-1998) e completase cunha ampla programación didáctica paralela e gratuíta, a proxección dun documental no auditorio da Fundación e un riguroso catálogo que afonda de forma rigurosa na obra do fotógrafo.
mércores, 3 mar 2010
O concelleiro de Cultura, Xesus López, destacou este mércores o carácter innovador e arriscado do Festival Alternativo Alt'10 das artes escénicas, cuxo primeiro bloque de programación terá lugar do 11 ao 14 de marzo. O concelleiro salientou tamén a incorporación de novos espazos da cidade nos que se desenvolverán as actuacións desta novena edición do festival.
martes, 2 mar 2010
O tenente de alcalde, Santi Domínguez, anunciou este martes que a primeira biblioteca municipal de barrio da cidade será unha homenaxe ao escritor Xosé Neira Vilas, xa que levará o seu nome. Na visita que xunto ao concelleiro de Cultura, Xesus López, realizou a esta nova dotación, ubicada na rúa Martínez Garrido, o nacionalista subliñou que ademais de contribuir a paliar a carencia de postos de lectura que hai en Vigo, o centro será un elemento fundamental na dinamización do barrio.
As salinas romanas de Vigo consolídanse como importante referencia arqueolóxica en Galicia<br />
Edítase material pedagóxico sobre o centro e dirixido a Educación Primaria e Secundaria
venres, 26 feb 2010
Tras un ano dende a súa apertura, o Centro Arqueolóxico do Areal – Salinae, xestionado polo Museo do Mar de Galicia, supera xa as 16.000 visitas. Desta forma, as salinas romanas situadas na rúa Rosalía de Castro de Vigo consolídanse coma unha das referencias arqueolóxicas máis destacadas de toda a comunidade galega. Na actualidade, ademáis de Salinae, están cobrando especial importancia diferentes ubicacións da época romana na cidade como Toralla e o xacemento de O Castro, co que resulta moito máis doado achegarse a unha visión completa do mundo romano en Vigo.
venres, 26 feb 2010
O 26 de febreiro inaugúrase na planta baixa do museo MARCO a exposición individual da fotógrafa alemá Candida Höfer, unha das máis importantes representantes da Escola de Düsseldorf, que mostrará unha selección dos seus traballos dos últimos corenta anos nunha montaxe realizada polo prestixioso estudio de arquitectura Kuehn Malvezzi.
mércores, 17 feb 2010
A partir do mércores 23 de febreiro comeza no MARCO un novo curso para adultos, impartido por Ana Pereira Molares, e destinado a persoas interesadas en coñecer os principais movementos e autores da historia da arte contemporánea. Neste caso trátase dun curso cuadrimestral que baixo o título ‘A FOTOGRAFÍA. Historia doutra mirada’, analiza os principais movementos e autores da historia da fotografía, dende o seu nacemento ata as últimas tendencias.
mércores, 17 feb 2010
O concelleiro de Cultura, Xesus López, destacou este mércores a singularidade do festival SinSal, que ofrecerá o seu seguinte concerto o 8 de abril no Museo Marco, coa actuación de Lisa Germano e Philip Selway, o batería da banda Radiohead. O nacionalista salientou asemade que se trata dun dos festivais de máis calidade e máis éxito da cidade, que presenta novamente, na súa octava edición, unha programación innovadora e comprometida.
martes, 16 feb 2010
Responsos, sermóns e cantos solemenes, dentro dos oficios laicos que se desenvolverán na Estación marítima de Ría, a partir das 20.30 horas do mércores, van a servir para despedir o Entroido 2010 en Vigo, unha celebración que desde o 12 de febreiro estimulou a participación cidadá no popular festexo e tamén a recuperación dalgúns elementos representativos do espirítu carnavaleiro implícito en vellas tradicións que estiveron presentes nas rúas e prazas do casco vello vigués.