mércores, 7 xul 2010
A actividade escultórica realizada en directo no parque de Castrelos do 21 de xuño ao 4 de xullo será o eixo central da charla debate que mañá se celebrará no auditorio do museo Marco ás 20.30 horas. Segundo avanza o concelleiro de Patrimonio Histórico, nesta proposta participarán os cinco artistas que levaron a cabo a iniciativa "Artistas na rúa, 3+2", enmarcada no proxecto artístico "Cidade de soños".
luns, 5 xul 2010
O concelleiro de Cultura, Xesus López, presentou este luns a programación que se desenvolverá no museo Verbum na temporada estival, que inclúe exposicións, actividades formativas, campamentos, poesía, música e cine. "Trátase dunha programación ampla, variada, de gran calidade e feita para que os vigueses e viguesas e todas as persoas que gocen do verán na nosa cidade", destacou o nacionalista.<br />
martes, 29 xuñ 2010
O concelleiro de Cultura e Animación Sociocultural, Xesús López, cualificou o concerto que Mika ofrecerá o 14 de agosto no Auditorio de Castrelos coma un "broche de ouro" para as actuacións musicais das Festas de Vigo 2010. Na presentación do concerto, tamén particiou o xerente do Xacobeo, Ignacio Santos, como patrocinador desta actuación, o nacionalista afirmou que "traemos a Vigo ao número un en Europa".
venres, 25 xuñ 2010
A nova edición do programa para familias "Domingos de museo", que se celebrará no Museo de Castrelos o vindeiro 27 de xuño, terá por título "Landriña viaxa ao interior das paisaxes", segundo informa o concelleiro de Patrimonio Histórico, Eudosio Álvarez. O obxectivo desta iniciativa, de carácter gratuíto, consiste en dar a coñecer o Museo da Cidade a todos os públicos, polo que se dirixe especialmente aos nenos e nenas entre 4 e 12 anos, que tamén poden participar acompañados polos seus familiares.
martes, 22 xuñ 2010
A sexta edición do Festival de Jazz de Vigo Imaxina Sons, promovido pola Concellería de Cultura e Animación Sociocultural, inaugúrase mañá, 23 de xuño, cun concerto de luxo protagonizado polo pianista e compositor francés Martial Solal, ás 21.30 horas no Centro Cultural Caixanova. As entradas para as actuacións que integran o festival pódense adquirir en www.caixanova.es.
martes, 22 xuñ 2010
O tenente de alcalde, Santi Domínguez, presentou este martes ao novo equipo técnico da Feira de Arte Contemporáneo de Vigo, Espacio Atlántico, entre o que se atopa a nova directora artística, Pilar Ribal. O nacionalista destacou que Espacio Atlántico, que se celebrará entre o 7 e o 10 de abril, "está confirmada" como a segunda feira máis importante do estado español e unha das máis importantes do mundo, "o cal nos enche de orgullo", asegurou.
martes, 22 xuñ 2010
O concelleiro de Cultura, Xesus López, anunciou este martes que o músico arxentino Andrés Calamaro actuará no pavillón de As Travesas o vindeiro 18 de setembro ás 22 horas. O concelleiro nacionalista explicou que no concerto Calamaro presentará o seu último traballo, "On the rock", e que as entradas poden adquirirse na taquilla de Carrefour e a través de Ticketmaster a un prezo de 30 euros.
luns, 21 xuñ 2010
O recén remodelado Auditorio Municipal acollerá o xoves, 24 de xuño, o espectáculo infantil "Botazz! O swing do jazz" a cargo da compañía Galitoon, segundo informa a Concelleríade Cultura. Esta obra, dirixida a nenos e nenas a partir de tres anos, representarase no marco do Festival Internacional de Jazz de Vigo Imaxina Sons, ás 12, 17.30 e 19 horas. A entrada custa tres euros e pódese adquirir anticipadamente en www.caixanova.es.
venres, 18 xuñ 2010
Xa están á venda as entradas para asistir ao concerto que o grupo de hip hop Public Enemy ofrecerá no auditorio de Castrelos o día 5 de agosto ás 22 horas. Puxéronse á venda un total de 3.500 entradas, a un prezo de 10 euros adquiríndoas anticipadamente e 12 euros en taquilla. Poden mercarse a través de www.servinova.com, no teléfono 902 504 500 e na Central de Espectáculos (rúa Velázquez Moreno).
xoves, 17 xuñ 2010
O tenente de alcalde, Santi Domínguez, anunciou este xoves que o remodelado Auditorio Municipal se inaugurará o vindeiro martes, 22 de xuño, cun espectáculo de danza a cargo do compañía de Quique Peón, e a partir desa data acollerá unha programación municipal estable das artes escénicas. Na visita que realizou esta mañá ao Auditorio, na que tamén participou o concelleiro de Cultura, Xesus López, o nacionalista destacou que a reforma permitiu solucionar as "innumerables deficiencias e carencias que viña arrastrando de hai moitos anos".
