O Auditorio Municipal acolle mañá martes o espectáculo "Opera aperta", con Julián Hernández e Manuel Romón
A programación que a Concellería de Cultura e Animación Sociocultural organiza no Auditorio Municipal inclúe un novo espectáculo musical que terá lugar mañá, 10 de maio ás 20.30 horas. Trátase da actuación que realizarán Julián Hernández e Manuel Romón baixo o título "Opera Aperta (en parte) Volume II". As entradas para asistir a este espectáculo teñen un prezo de 7 euros e pódense adquirir na web www.laboleteria.es ou na taquilla unha hora antes do comezo da obra.
"Opera Aperta (en parte) Volume II" é un recital performativo, que xira arredor da palabra, do silencio e da música. Enténdense como un diálogo ritual entre a palabra e a música, onde a música ten, significativamente, a primeria e a derradeira palabra. Parte da crenza de que Umberto Eco leva razón (en parte). Por iso, esta acción (en parte) falada deixa aberta desde a súa propia formulación a posibilidade de ulteriores volumes.
"Introibo ad altare Dei II", "Ímolo comezar aquí", "Galicia", "Miniaturas", "Que máis quixera", "Para cuellos el Jarama", "Mensaxes de voz", "Poesía barata", "Finalmente o nadir", e "Strip-tease, un filme didáctico" son as pezas que compoñen este espectáculo. A programación completa da Concellería de Cultura pódese consultar na web www.vigocultura.org.
"Introibo ad altare Dei II", "Ímolo comezar aquí", "Galicia", "Miniaturas", "Que máis quixera", "Para cuellos el Jarama", "Mensaxes de voz", "Poesía barata", "Finalmente o nadir", e "Strip-tease, un filme didáctico" son as pezas que compoñen este espectáculo. A programación completa da Concellería de Cultura pódese consultar na web www.vigocultura.org.