venres, 22 xul 2011
A edición deste 2011 do tradicional Festiclown, dentro das Festas de Verán, terá lugar do 26 ao 31 de xullo, e este ano destaca o carácter "solidario". A concelleira de Cultura, Isaura Abelairas, apuntou que a recadación "íntegra" do Festiclown, sugrado polo Concello, irá para a proposta lúdica "Risas que cambian o mundo", para os máis pequenos de Palestina. Abelairas asegurou que "a solidariedade do pobo de Vigo vaise notar".
martes, 19 xul 2011
Sete artistas portugueses exporán unha parte da súa obra nunha mostra que, baixo o nome de "Arqueoloxía do detalle", terá abertas as súas portas na Casa das Artes de Vigo. Trátase dunha exposición de arte contemporáneo composta por instalacións e técnicas mixtas.
venres, 8 xul 2011
Ata o 16 e xullo todos os sábados celebrase na Biblioteca Xosé Neira Vilas "Os sabadiños", unhas divertidas xornadas de animación á lectura onde se desenvolven diversas actividades encamiñadas en fomentar nos nenos/as o gusto polos libros. Todas as sesións comezarán cun contacontos, seguido dun obradoiro relacionado coa lectura de cada día.
xoves, 7 xul 2011
Vilagrafías é unha recreación poético-fotográfica da xeografía visual e sentimental das vilas e cidades galegas.Trátase dun traballo de escritores e escritoras sobre a súa vila ou cidade emocional que fai agromar a imaxe fotográfica.<br />
mércores, 6 xul 2011
Ata o vindeiro 10 de xullo a Casa das Artes de Vigo ofrece a oportunidade de coñecer a mostra de Menchu Lamas "O tempo é un círculo". Presenta obras de gran formato que abranguen dúas décadas da sua traxectoria, incluindo a década dos 90 e despois o periodo que vai do ano 2000 até agora. Recolle unha escolma das obras máis significativas no evoluir da artista nestas dúas etapas ben diferenciadas.
martes, 5 xul 2011
A partir deste martes 5 de xullo comezan no MARCO os obradoiros infantís de verán, co obxectivo de achegar aos máis pequenos as obras dos artistas presentes no Museo. A través de percorridos por salas, e de divertidas sesións no ‘Laboratorio das Artes’, os participantes traballan as súas habilidades e capacidades de observación, reflexión e interpretación da arte contemporánea.
xoves, 30 xuñ 2011
A praza de Compostela será un ano máis o lugar de encontro cos libros dende o 1 e ata o 10 de xullo coa celebración da XXXVII Feira do Libro de Vigo. A escritora Iolanda Zúñiga será a encargada da lectura do pregón inaugural ás 19:30 horas.
mércores, 29 xuñ 2011
O Museo do Mar acolle ata 9 de outubro a exposición "Cartas de punto maior. A costa Galega no Arquivo Pacheco", unha mostra que expoñe por primeira vez algunhas fotografías inéditas do Arquivo Pacheco.Trátase dunha recompilación dun total de 85 imaxes realizadas entre os anos 1895 e 1960.
martes, 21 xuñ 2011
O proxecto "Notas de lectura", de Anja Isabel Schneider, foi elixido como proposta gañadora da 4ª edición do premio para novos comisarios (2011), convocado conxuntamente polo MARCO de Vigo e o FRAC Lorraine (Fonds régional d‘art contemporain de Lorraine) de Metz, Francia, e que ten como obxecto a realización dun proxecto expositivo para as dúas sedes.
martes, 21 xuñ 2011
O mércores 22 de xuño Imaxina Sons programa dous pratos fortes no mesmo dia. Primeiro será a Píccola Orchestra Gagarin, que pechará o ciclo de concertos do MARCO ás 20:30h.dentro do festival; este trío bota man de orixinais obxectos, instrumentos e sons para propoñer unha viaxe ao estilo da que emprendeu o astronatura que lles dá nome hai cincuenta anos. Tras este concerto, o festival transládase ao Auditorio Municipal coa Lisbon Underground Music Ensemble, LUME (22h). Dirixida por Marco Barroso, esta big band contemporánea sube a quince músicos ao escenario cunha proposta experimental. A xornada do 22 de xuño rematará con Jazz na Noite da man do grupo Marosa Jazz Project no Contrabajo (Venezuela, 82, 23h).
