Jazz na Noite reune a dez músicos no escenario do Xancarajazz nunha jam latina
luns, 20 xuñ 2011
O martes 21, continua o programa de Imaxina Sons no MARCO. Ulrich Mitzlaff e Miguel Mira formulan un xogo entre violoncelos na procura da súa propia esencia, dos valores intrínsecos dun instrumento que, de súpeto, pode verse afastado da súa sonoridade máis popular. O martes 21 Jazz na Noite ten lugar no Xancarajazz (Isabel II, 6) cunha proposta da asociación cultural Cumbe, desde A Coruña, que reúne a dez músicos no club vigués.
venres, 17 xuñ 2011
O sábado 18 de xuño, de 20 a 21 horas e con entrada gratuíta para todos os asistentes ata completar aforamento, terá lugar no museo Verbum – Casa das Palabras o espectáculo "Emoción e Palabras" da Fundación Igual Arte - Espectáculo de expresión corporal.<br />
venres, 17 xuñ 2011
Os sábados do mes de xuño e ata mediados de xullo celebrase na Biblioteca Xosé Neira Vilas "Os Sabadiños", unhas divertidas xornadas de animación á lectura onde se desenvolverán diversas actividades encamiñadas en fomentar nos nenos e nenas o gusto polos libros. <br />
venres, 17 xuñ 2011
Comeza unha nova edición de Imaxina Sons o venres 17 de xuño cun esperadísimo concerto do contrabaixista e cantante Avishai Cohen (Xerusalén, 1970) no teatro do Centro Cultural Novacaixagalicia ás 22.30h. A xornada inaugural deste sétimo Imaxina Sons, o primeiro que coordina o compositor Nani García e promovido polo departamento de Cultura do concello de Vigo, comeza coa participación de músicos da Escola A Tempo de Pontevedra en Imaxina na Rúa e rematará no club Xancarajazz co concerto de Gabriel Peso Trío.
xoves, 16 xuñ 2011
A nova edición do Festival de Jazz de Vigo Imaxina Sons, a sétima xa, promovida pola concellería de Cultura e Animación Sociocultural do concello de Vigo, terá lugar do 17 ao 25 de xuño de 2011. Entre os artistas confirmados para a sétima edición do Festival de Jazz de Vigo Imaxina Sons atópanse Avishai Cohen, Portico Quartet, Nils Petter Molvaer, Sidsel Endresen, Neil Cowley Trio, Portico Quartet e John Taylor.
xoves, 16 xuñ 2011
A compañía "Elefante Elegante" representará no Auditorio Municipal o venres 17 de xuño, ás 22,00 h o espetáculo "IN" que indaga na representación contemporánea da figura humana. A súa poesía visual nace da fusión do teatro coa danza, o vídeo e as artes plásticas.
Proxección do documental Jazz en Liberdade e recital de Eva Veiga, entre outras propostas
luns, 13 xuñ 2011
Tras a presentación dos concertos do sétimo Festival de Jazz de Vigo Imaxina Sons péchase agora o programa completo de actividades con poesía, cine e o circuíto de música nos clubs. Do 17 ao 25 de xuño desenvólvese a programación que arrancará coa participación das escolas de música e o concerto no Centro Cultural Novacaixagalicia do contrabaixista Avishai Cohen (17 xuño, 22.30h). Durante os nove días de festival ademais proxectarase o documental Jazz en liberdade, do realizador Xes Chapela, un espectáculo poético-musical protagonizado pola escritora Eva Veiga e a programación Jazz na Noite que levará a música en horario nocturno aos clubs da cidade.
venres, 10 xuñ 2011
Os vindeiros sábados 11 e 18 de xuño, de 20 a 21 horas e con entrada gratuíta para todos os asistentes ata completar aforamento, terá lugar no museo Verbum – Casa das Palabras o espectáculo "Emoción e Palabras" Fundación Igual Arte - Espectáculo de expresión corporal.
venres, 10 xuñ 2011
A Concellería de Cultura e Animación Sociocultural organiza unha nova actuación dirixida ao público infantil e familiar o vindeiro domingo, 12 de xuño, ás 18 horas, no Auditorio Municipal. Trátase do espectáculo de maxia "Da'kara", que levará a escena o mago Dani García, do programa "Con t minúsculo". O prezo das entradas é de 3 euros para os nenos e nenas ata 12 anos e 5 euros para os maiores e pódense adquirir na web www.laboleteria.es ou na taquilla unha hora antes do comezo da actuación
xoves, 9 xuñ 2011
O Auditorio Municipal acolle mañá venres, ás 21 horas, unha nova proposta da programación estable de artes escénicas que organiza a Concellería de Cultura e Animación Sociocultural. Trátase da obra de teatro "Ejercicios de amor", dirixida ao público adulto e interpretada pola compañía El Pont Flotant. As entradas teñen un prezo de 7 euros e pódense adquirir na web www.laboleteria.es ou na taquilla unha hora antes do comezo da actuación
