venres, 27 mai 2011
A programación estable de artes escénicas que a Concellería de Cultura e Animación Sociocultural organiza no Auditorio Municipal propón para este fin de semana dúas obras de teatro para público familiar. Mañá sábado, a compañía Títeres en Acción interpretará "O castelo de lady Minimal" ás 18 horas, mentres que o domingo a compañía La Maquiné levará a escena "El castillo rojo", ás 18 horas. As entradas teñen un prezo de 3 euros para nenos e nenas até 12 anos e de 5 euros para maiores; e pódense adquirir na web www.laboleteria.es ou na taquilla unha hora antes do comezo da actuación.
"Os Sabadiños" de xuño e xullo unha nova alternativa de ocio
venres, 27 mai 2011
A Biblioteca Pública Xosé Neira Vilas, situada na Avenida Martínez Garrido nº 21, continúa a súa labor de animación á lectura entre os máis pequenos da casa. Tras as actividades realizadas por mor do día Internacional do Libro Infantil e Xuvenil, o Día do Libro, o Día das Letras Galegas e a visita dos Ratiños da Caixa a biblioteca inicia "Os Sabadiños". Estas actividades terán lugar o 4, 11, 18 e 25 de xuño e 2, 9 e 16 de xullo de 12.00 a 13.30 horas na propia biblioteca. Están recomendadas a nenos maiores de 5 anos.
venres, 27 mai 2011
A Biblioteca-Centro de documentación do MARCO, Museo de Arte Contemporánea de Vigo, presenta nas súas instalacións unha mostra bibliográfica que reúne unha selección de publicacións da biblioteca do artista e deseñador gráfico Francisco Mantecón. Estes fondos bibliográficos son produto dunha doazón realizada pola viúva do artista, Pilar Barreiro Mosquera, á Biblioteca do MARCO
"Os Sabadiños" de xuño e xullo unha nova alternativa de ocio
xoves, 26 mai 2011
A Biblioteca Pública Xosé Neira Vilas, situada na Avenida Martínez Garrido nº 21, continúa a súa labor de animación á lectura entre os máis pequenos da casa. Tras as actividades realizadas por mor do día Internacional do Libro Infantil e Xuvenil, o Día do Libro, o Día das Letras Galegas e a visita dos Ratiños da Caixa a biblioteca inicia "Os Sabadiños". Estas actividades terán lugar o 4, 11, 18 e 25 de xuño e 2, 9 e 16 de xullo de 12.00 a 13.30 horas na propia biblioteca. Están recomendadas a nenos maiores de 5 anos.
"Achégate a internet" desenvolverase durante os meses de xuño e xullo
mércores, 25 mai 2011
A Biblioteca Pública Xosé Neira Vilas, situada na Avenida Martínez Garrido nº 21, inicia as súas actividades de formación para usuarios. A primeira acción, "Achégate a Internet", é un programa de alfabetización dixital. O curso gratuíto está destinado aos maiores de 16 anos con escasos ou ningún coñecemento previo de informática. Terá lugar na propia biblioteca os martes e xoves dende o 2 de xuño ata o 21 de xullo en horario de 11.00 a 12.00 horas
martes, 24 mai 2011
Un ano máis o Verbum organiza campamentos abertos de Verán. Este ano con novidades ao trasladar a súa celebración ao mes de agosto, e ao traballar con dúas temáticas, unha sobre a animación á lectura, que terá lugar na primeira quincena, e outra relacionando o museo co seu entorno natural, facendo unha campaña de concienciación co medio ambiente. As actividades están dirixidas a rapaces de 5 a 12 anos e desenvolveranse de martes a venres en horario de 10 a 14h. Este ano as actividades serán gratuítas.
venres, 20 mai 2011
O concelleiro de Cultura, Xesus López, presentou este venres o seguinte concerto xa pechado das Festas de Verán 2011, que será o que o cantante británico James Blunt ofrecerá o 31 de xullo en Castrelos, para presentar o seu último traballo, "Some Kind of Trouble". Segundo destacou o concelleiro nacionalista, este será "o terceiro gran concerto das Festas de Verán de Vigo", que se suma aos de Juanes o 15 de xullo e o de Bad Religion, que o 14 de agosto.
venres, 20 mai 2011
A programación estable de artes escénicas da Concellería de Cultura e Animación Sociocultural tamén inclúe o programa "Vigo en Danza", que mañá, 21 de maio, ofrece a posibilidade de gozar co espectáculo "Habelas", da compañía Traspediante, ás 21 horas no Auditorio Municipal. Por outra banda, a Concellería de Cultura informa de que a actuación da Asociación Agarimo, incluída no programa "Vigo a Escena", prevista inicialmente para mañá, 21 de maio en San Miguel de Oia, trasládase ao 15 de outubro no mesmo emprazamento.
xoves, 19 mai 2011
A programación estable de artes escénicas que organiza a Concellería de Cultura e Animación Sociocultural continúa mañá, 20 de maio, no Auditorio Municipal cunha novo espectáculo de "Con T de teatro". Ás 21 horas, a compañía Abada Teatro, dirixida por Carlos Blanco, levará á escena a súa última produción, "Ordem e progresso". As entradas teñen un prezo de 7 euros e pódense adquirir na web www.laboleteria.es ou na taquilla unha hora antes do comezo da actuación.
xoves, 19 mai 2011
O concelleiro de Cultura, Xesus López, presentou este xoves o festival de jazz Imaxina Sons, que na súa sétima edición celebrarase do 17 ao 25 de xuño en diversos espazos da cidade, nalgúns casos con concertos gratuítos como os que terán lugar na Praza da Constitución e noutros "a prezos populares", como os que se realizarán no Auditorio Municipal ou no Centro Cultural Caixanova. O nacionalista asegurou que neste 2011 o festival "pecha un ciclo para abrir outro", ao asumir as funcións de dirección o pianista Nani García.
