mércores, 28 set 2011
O alcalde, Abel Caballero, e a concelleira de Cultura, Isaura Abelairas, visitaron este mércores a biblioteca municipal Xosé Neira Vilas, localizada en Martínez Garrido, o primeiro centro municipal destas carácteristicas. A biblioteca, aberta a finais de marzo, recibiu a 25.000 usuarios nos seus case 400 metros cadrados de superficie, con 64 postos de lectura, audiovisuais, información, 10 ordenadores e zonas WiFi. Abelairas presentou a programación do centro para os próximos meses, que contou coa "implicación" dos profesionais e veciñanza
O Auditorio Municipal acollerá 20 funcións ata fin de novembro
martes, 27 set 2011
O alcalde, Abel Caballero, e a concelleira de Cultura e Festas, Isaura Abelairas, presentaron hoxe martes a programación estable de artes escenénicas do Auditorio Municipal para os meses de setembro a novembro. Segundo destacou, a programación aposta por unha liña que pretende a consolidación de públicos a través das artes escénicas, cos mellores espectáculos de teatro e danza que están nestes momentos circulando en Galicia e fóra dela, así como un claro obxectivo de formación de novos públicos a través dos programas pensados para os máis cativos.
martes, 27 set 2011
Ata o 3 de outubro está aberto o prazo de matrícula para asistir ás XX Xornadas de Filosofía que se celebrarán os días 4,5 e 6 de outubro no Auditorio Municipal. Esta edición versará sobre "O Universo: física e filosofía"
luns, 26 set 2011
Abel Caballero deu hoxe cumprimento a un dos desexos que sempre manifestou o escritor Francisco Fernández del Riego de colaborar no enriquecemento bibliográfico da biblioteca pública da súa localidade natal, Lourenza, en Lugo. Así, o asinou hoxe luns o alcalde de Vigo, Abel Caballero, de acordo co Padroado da Doazón da Biblioteca Fernández del Riego do Concello. Deste xeito, a biblioteca pública municipal "Juana de Ibarbourou", de Lourenzá, recibirá un lote de 2.684 títulos de libros e folletos do seu fondo de repetidos. O acto de cesión tivo lugar esta mañá na propia biblioteca Fernández del Riego.
xoves, 22 set 2011
O alcalde de Vigo, Abel Caballero, e a concelleira de Cultura e Festas, Isaura Abelairas, fixeron este xoves balance do Festiclown 2011 que celebrouse na cidade por cuarto ano consecutivo, consolidándose "entre os máis importantes de España". Esta edición colleitou éxitos de público nas actuacións de Leo Bassi e Yllana. O Festiclown posibilitou a "primeira gran intervención cultural en Palestina", en verbas dos propios organizadores.
luns, 19 set 2011
Dende o martes 13 de setembro, está aberto o prazo de matrícula para os cursos de adultos, que terán lugar no MARCO nesta nova tempada 2011-2012, destinados a persoas interesadas en coñecer de primeira man os principais movementos e autores da historia da arte contemporánea.Os cursos que se desenvolverán son ‘Unha aproximación á historia da arquitectura contemporánea’ e ‘Produción artística e cultural dende 1968 ata os nosos días’.
venres, 16 set 2011
Na volta do verán a biblioteca municipal Xosé Neira Vilas (Avenida Martínez Garrido,21) retoma as actividades para o público infantil e familias. Así o Bardo Abelardo ofrecerá na zona infantil da biblioteca unha sesión de contacontos o venres 16 ás 18,00 horas, que continuará ao día seguinte polo paseo do Calvario (fronte ao mercado) ás 12.00 horas, percorrendo a rúa coa súa ciclobiblioteca e animando a sesión con contos e a música do seu acordeón.
venres, 16 set 2011
A partir do luns 19 de setembro o ilustrador Federico Fernández realizará un mural deseñado para a biblioteca municipal Xosé Neira Vilas. A actividades está prevista que dure 2 ou 3 días en función do avance do traballo en horario de tarde da biblioteca ( de 17.00 a 20.30 horas).
mércores, 14 set 2011
A Escola Municipal de Danza e Percusión Tradicional abre o prazo de matricula do 15 ao 30 de setembro. A escola oferta ensinanzas de danza da tradición galega para afeccionados sen límite de idade. As solicitudes poderán presentarse nas dependencias da escola , no soto primeiro da Casa do Concello en horario de luns a venres de 9 a 13 horas e xoves de 17 a 19 horas.
mércores, 14 set 2011
O vindeiro domingo, 18 de setembro clausúrase a exposición titulada Cartografía do presente, Colección de Arte Contemporánea Fundación Laxeiro que se inaugurou o pasado dez de xuño e que foi visitada por 3.785 persoas ata a data. A exposición mostra por primeira vez a colección de arte contemporánea da Fundación Laxeiro, construida nos once anos de actividade da institución, mediante aportación de obras de artistas que colaboraron nalgún proxecto expostivo.
