Abel Caballero animou hoxe a presenciar a Gala Lírica 2025 organizada polo Concello de Vigo en colaboración co Centro Veciñal e Cultural de Valladares e coa Unión Musical de Valladares, programada para este sábado 11 de xaneiro no Teatro García Barbón. O programa inclúe a interpretación de once pezas de ópera clásica, zarzuela, cinema e de coñecidas cancións de pop contemporáneo.
O Concello restaurou 1.000 metros da praia de Baluarte en Coruxo para frear a constante perda de area, segundo anunciou este xoves Abel Caballero, incidindo en que a intervención sobre a superficie areosa se realizou con medidas de baixo impacto ambiental.
O alcalde convidou este mércores a toda a cidadanía de Vigo a participar na sexta edición do Certame de Rondallas que terá lugar o vindeiro sábado 11 de xaneiro no Pavillón das Travesas, a partir das seis da tarde. “Vigo, a través das rondallas enténdese na súa propia forma de evolucionar dun folclore tan importante, de entendernos como cidade e como fábrica de cultura”, asegurou.
O alcalde destacou hoxe que o aeroporto de Vigo pechou decembro con preto do 83% por cento de ocupación dos voos, situándose como o cuarto mellor mes de 2024, superando ao estival de xullo e ao do mesmo período do ano 2023.
O rexedor repasou os efectos provocados polo temporal, sinalando que “non houbo nada de destacada gravidade”.
O servizo de información e atención telefónica municipal realizou o pasado mes de decembro 12.999 interaccións, segundo recalcou o alcalde ao lembrar que as chamadas son totalmente gratuítas para a cidadanía. “O 010 está a facer un traballo extraordinariamente importante e agora de forma totalmente gratuíta”, lembrou.
O alcalde e a concelleira de Política Social saudaron este venres no Auditorio Municipal aos nenos que recibiron da man dos Reis Magos os xoguetes encargados pola Asociación Vida Digna. Preto de 600 menores recolleron os seus agasallos. Abel Caballero felicitou á asociación polo traballo que realizan todo o ano e de forma especial no Nadal en favor das persoas vulnerables.
A Xunta de Goberno Local aprobou este venres o expediente de contratación das obras de construción do novo ascensor na rúa Juan Ramón Jiménez, entre Marqués de Valterra e Torrecedeira. Para o alcalde, este acordo significa o avance na construción de “un corredor desde o mar ata practicamente a cúspide do Castro”. O proxecto, que se atopan dentro da iniciativa “Vigo Vertical”, conta cun investimento de 1.018.000 euros.
O alcalde avanzou o nomeamento de oito novos policías locais en prácticas, que se corresponden coa oferta de emprego de 2023.
O Instituto Feiral de Vigo acollerá o domingo a Cabalgata estática dos Reis Magos para garantir a participación da cidadanía ante as adversas previsións meteorolóxicas. O rexedor indicou que o recinto permanecerá aberto desde as once da mañá ata as dúas da tarde, para reiniciar as visitas ás cinco e rematar ás oito da tarde. A entrega das chaves da cidade ás Súas Maxestades, para que poidan entrar nas casas de todos os nenos de Vigo, terá lugar ás sete da tarde.