xoves, 10 mar 2022
O Concello canaliza a través do teléfono 010 as ofertas de aloxamento que están a chegar da cidadanía para atender aos refuxiados que cheguen de Ucraína. O alcalde mantivo unha xuntanza cos responsables de Accem en Galicia para coordinar a acollida destas persoas.
mércores, 9 mar 2022
O alcalde e Valentín González Formoso aproveitaron o encontro para poñer de manifesto as necesidade económicas da cidade, a xestión dos fondos europeos e a acollida dos refuxiados ucraínos por mor da invasión de Putin.
mércores, 9 mar 2022
Abel Caballero explicou que se teñen recibido unhas vinte propostas, que están a ser avaliadas para comprobar que reúnen as condicións. As cidades, engadiu, “estamos na planificación da rede de acollida”, en coordinación coas ONG, o Goberno de España e Europa. Vigo gardou este mércores cinco minutos de silencio en apoio ao pobo ucraíno e condenando a invasión.
luns, 7 mar 2022
O presidente da FEMP informou este luns da súa presenza en representación dos municipios españois no encontro que se celebra na illa da Palma, no que abordarán asuntos como os fondos ruropeos, Protección Civil e a situación epidemiolóxica.
luns, 7 mar 2022
Este sábado comezaron as actividades organizadas na cidade para conmemorar o 8 de Marzo, que continúan hoxe luns cun recital aberto de poesía de xénero, ás 19 horas na Casa Galega da Cultura, segundo recordou o alcalde. Este martes, a mobilización parte da Praza da España ás 19:30 horas.
venres, 4 mar 2022
Nun escrito remitido a todas as entidades locais de España polo presidente e alcalde, a Federación solicita que indiquen os espazos dispoñibles para aloxar aos desprazados de Ucrania e propón canalizar as doazóns a través das organizacións humanitarias que traballan no país. En Vigo, o Concello está a elaborar un listado cos ofrecementos dos particulares que chaman ao 010.
xoves, 3 mar 2022
Abel Caballero amosou este xoves o seu rexeitamento aos cambios promovidos pola Xunta de Galicia no Padroado do Recinto Feiral que van supoñer que o goberno autonómico teña nove representantes e os demais membros xuntos sumen soamente cinco.
mércores, 2 mar 2022
Tan pronto a Comisión Europea e o Goberno de España tomen as súas decisións sobre a acollida, a Federación Española de Municipios e Provincias (FEMP) actuará desde os concellos para ofrecer “acollida, solidariedade, atención e afecto ao pobo ucraíno”, dixo Abel Caballero este mércores, quen subliñou que a Federación está en contacto permanente cos ministerios de Exteriores e de Inclusión, Seguridade Social e Migracións.
luns, 28 feb 2022
As fontes de Aragón tinguíronse coas cores da bandeira ucraína a pasada noite e o alcalde anuncia que nos próximos días se iluminarán outros monumentos da cidade.
mércores, 23 feb 2022
O Ministerio de Transportes resolveu favorablemente aos proxectos presentados polo Concello, que utilizará os fondos para o desenvolvemento das ramplas da Gran Vía, o ascensor HALO e a Vía Verde.