xoves, 26 xan 2023
O alcalde deu conta que o BOE publicou a relación provisional de solicitudes recibidas para a implantación de Zonas de Baixas Emisións e a transformación dixital e sostible do transporte urbano de mobilidade. Caballero resinou que “non comparto o criterio europeo de descargar o custo das Zonas de Baixas Emisións sobre os vehículos máis antigos. Tense que facer co apoio para que os donos/as poidan cambialos”
xoves, 26 xan 2023
O alcalde puxo en valor este xoves o traballo que desenvolve a oficina de estatística municipal que atende cada día unha media de entre 220 e 250 persoas de forma presencial.
martes, 24 xan 2023
Abel Caballero manifestou que "é unha gran noticia para a cidade e que Vigo segue avanzando". O alcalde defendeu este luns no Círculo de Empresarios que Vigo tería a subestación coa moi alta tensión e así o confirmou este martes a vicepresidenta terceira e ministra para la Transición Ecolóxica, Teresa Ribera, tras o Consello de Ministros. Caballero xa solicitara en 2015 esta cuestión, de gran importancia para o tecido industrial da cidade, ao Goberno de Mariano Rajoy, que fixo caso omiso. Precisamente, hoxe en rolda de prensa, o rexedor criticou o silencio de Rueda e Feijóo nese momento.
luns, 23 xan 2023
O rexedor mantivo un encontro este luns con grupo estudantes italianos da cidade de Sassuolo, en Módena, do prestixioso instituto ITCG Alberto Baggi, que se atopan na cidade convivindo con alumnado do colexio Mª Inmaculada Carmelitas en Pi y Margall. A visita enmárcase no programa Erasmus e que se desenvolve baixo o título "Sensibilidade, multicultural e crecemento profesional: obxectivos desafiantes". O alcalde animounos a pasear pola cidade e coñecer tódalas posibilidades que existen.
luns, 23 xan 2023
O Pleno do Concello validou esta mañá a proposta do goberno local de entregar a distinción honorífica Cidade de Vigo a Eugenio González de Haz y Vizcaíno, presidente de Radio Vigo Grupo de Comunicación. A iniciativa saíu adiante cos votos favorables do PSOE e do PP e a abstención do Grupo Mixto e do concelleiro non adscrito.
luns, 23 xan 2023
Nun acto organizado polo Círculo de Empresarios de Galicia e o Consello Empresarial Alianza por Iberoamérica (CEAPI), Abel Caballero, puxo en valor as potencialidades de Vigo na automoción, na pesca, no naval, nos servizos e no turismo. Unha cidade que “tende a man a tódalas persoas que queiran vir”.
xoves, 19 xan 2023
Abel Caballero e o presidente de Renfe, Isaías Táboas, asinaron este acordo no marco da Feira Internacional de Turismo para promocionar a cidade olívica como destino turístico e de negocios.
xoves, 19 xan 2023
O rexedor vigués participou esta mañá na presentación da Vigo Film Office na Feira Internacional de Turismo (Fitur).
mércores, 18 xan 2023
“Superamos a barreira dos 300.000 habitantes” apuntou o alcalde este mércores ao achegar o dato actualizado do Padrón municipal que, segundo avanzou, “segue medrando. Estamos tendo un reforzo moi importante de xente que se empadroa, superando amplamente os 300.000 habitantes”. Sobre as causas que explican este incremento poboacional, Caballero apuntou que “Vigo é unha cidade marabillosa na que a economía tira, cunha altísima calidade de vida” e malia que a pandemia debilitou a poboación de tódalas cidades “está habendo unha recuperación importante. Somos unha cidade de atracción”.
mércores, 18 xan 2023
O aeródromo vigués pechou o mes de decembro con 86.380 pasaxeiros, un 27,5% máis con respecto ao 2019, ano de referencia previo á pandemia. Tamén subiron as operacións nun 37,3%. O aeroporto de Vigo foi o que máis medrou en Galicia no último mes de 2022.
