Este xoves 12 de xuño celébrase un Pleno Extraordinario no que se instará á Xunta a iniciar de xeito inmediato o proceso para a implantación do grao en Medicina e que estea operativo no curso 2027/2028, achegando un financiamento adicional ao que recibe a Universidade de Vigo.
É unha das novidades da XXV edición do festival que se celebra entre o 7 e o 10 de agosto en Samil onde se presentou este martes. Seis pilotos competirán nesta disciplina que se executará sobre dúas ramplas alcanzando os 14 ou 15 metros de altura.
O alcalde entregou este martes a máis de cen usuarios do centro Alento os diplomas acreditativos do seu recoñecemento como Vigueses Distinguidos 2025. Caballero agradeceu o esforzo en favor da integración das personas con diversidade funcional e trasladoulles o orgullo da cidadanía de Vigo polo seu traballo.
O alcalde inaugurou este luns a primeira fase das obras de humanización realizadas en Navia, entre a rúa Limpiño e a conexión coa estrada VG20, que conta cun investimento de 2,7 millóns de euros. Os traballos incluíron a mellora da mobilidade, dos espazos destinados aos peóns e a substitución de redes. O alcalde anunciou que a segunda fase comenzarán de forma "inmediata".
O Goberno Municipal abordou hoxe a batería de proxectos que asume o Concello nos colexios Valle Inclán, Chans Bembrive e Celso Emilio Ferreiro para mellorar as súas infraestruturas e garantir a seguridade da comunidade educativa. “De novo o Concello de Vigo actuando e reparando colexios que ten que arranxar a Xunta”, afirmou.
Abel Caballero expresou hoxe a súa confianza en que a Xustiza de Vigo manterá os oito xulgados de instrución que están operativos na actualidade, aos que sumará outro novo de Violencia sobre a muller. Caballero fixo estas declaracións tras as conversacións mantidas nos dous últimos días co ministro de Xustiza, Félix Bolaños, sobre o Real Decreto que establece a creación de 50 novas prazas de xuíces e 42 de fiscais especializados en Violencia sobre a Muller en toda España.
O rexedor explicou esta mañá que o coliseo vigués aumentará o aforo de cara a tempada na que o Celta voltará a competicións europeas.
Mañá realizarase a XXVIII Conferencia de Presidentes en Barcelona, ante a que o Goberno central propúxolle ás comunidades un plan de 7.000 millóns para financiar e blindar a vivenda. O alcalde sinalou que “non se lle ocorra ao señor Rueda rexeitalo”, xa que, “poríase ao servizo do seu partido e deixaría as súas obrigacións coa cidade”
Abel Caballero insta á Xunta a iniciar de xeito inmediato o proceso para a implantación do grao en Medicina e que estea operativo no curso 2027/2028, adicando financiamento adicional á xa achegada á Universidade de Vigo. “Somos a máis importante cidade de España sen facultade de Medicina, e isto é un agravio”, afirmou.
O pasado maio os hoteis de Vigo rexistraron as mellores cifras de ocupación deste mes con preto do 70 por cento e un aumento de 7,2 puntos con respecto a 2024. “Seguimos batendo récords de afluencia turística na cidade”, afirmou o alcalde ao debullar os últimos datos.