mércores, 11 xuñ 2003
O alcalde de Vigo en funcións, Lois Castrillo e o delegado do Consorcio da Zona Franca, Pablo Egerique, asinaron o pasado 8 de maio senllos convenios de colaboración para o desenvolvemento de 160 hectáreas de solo industrial no municipio. Nun dos convenios prevese a creación dun novo polígono empresarial nas parroquias de Matamá e Valadares. No outro recóllese a ampliación do Parque Tecnolóxico e Loxístico.
martes, 10 xuñ 2003
O Concello de Vigo dispón no edificio Asefal dun centro de formación en novas tecnoloxías no que se impartirán cursos a traballadores municipais e a diversos colectivos cidadáns. O centro créase a través dun convenio subscrito entre o Concello e Telefónica Telecomunicaciones Públicas S.A., empresa encargada de equipar o local habilitado pola administración municipal.
xoves, 5 xuñ 2003
O alcalde de Vigo en funcións, Lois Castrillo, Alfonso Paz Andrade, presidente do Comité Executivo da World Fishing Exhibition, e o conselleiro de Pesca, Enrique López Veiga, presentaron oficialmente a celebración desta exposición mundial que terá lugar en Vigo entre os días 17 e 21 do próximo mes de setembro.
xoves, 29 mai 2003
O alcalde en funcións, Lois Castrillo, asinou un bando que establece as normas para a realización de fogueiras en san Xoán entre as que destaca a necesidade de dispoñer da autorización pertinente.
venres, 23 mai 2003
O alcalde, Lois Castrillo, asinou un decreto para adxudicar as obras do tramo superior de Eduardo Iglesias e Velázquez Moreno, dentro do proceso de humanización do contorno de Progreso.
martes, 20 mai 2003
Lois Castrillo presentou a nova cara da rúa Progreso
mércores, 14 mai 2003
O alcalde de Vigo, Lois Castrillo, reclamou a urxente reunión da Comisión Especial de seguimento dos proxectos de Alta Velocidade para coñecer cales son os plans do Ministerio de Fomento para a conexión ferroviaria de Vigo con Ourense. Castrillo reclama seriedade ante as confusas e contradictorias declaracións realizadas nos últimos días por distintos responsables da Xunta e do Goberno central e considera que Fomento debe render contas do seu traballo ante a Comisión que se creou o 17 de xaneiro de 2002 para supervisar os proxectos do AVE.
mércores, 7 mai 2003
O alcalde, Lois Castrillo, será o presidente de honra da fundación que rexerá a nova dotación museística situada en Alcabre dedicada á cultura marítima.
luns, 5 mai 2003
Esta noite coñecerase os gañadores das 24 categorías dos Premios Max das Artes Escénicas no transcurso dunha Gala que se celebra no teatro do Centro Cultural Caixanova e que organiza a Sociedade Xeral de Autores e Editores coa colaboración do Concello de Vigo. Aos galardóns a concurso engádense outros outorgados polo comité organizador: o premio de honra a Alfonso Sastres, o de teatro alternativo á Sala Yago de Santiago de Compostela e o hispanoamericano das artes escénicas ó chileno Marco Antonio de la Parra. En Galicia a Gala será retransmitida pola cadea de Localia televisión a partir das 21.30 h.
venres, 2 mai 2003
O coreógrafo Ramón Oller presentou as características da gala da VI edición dos Premios Max das Artes Escénicas que terá lugar o próximo luns, 5 de maio, no teatro do Centro Cultural de Caixanova e que conta coa colaboración do Concello de Vigo. Na presentación tamén estivo o alcalde Lois Castrillo e Javier Vidal, delegado xeral da SGAE en Galicia. Os galardóns, instaurados pola Sociedad General de Autores y Editores teñen como fin promocionar e reivindicar o mundo do teatro, a danza e o circo nas súas diferentes expresións.