Alcalde de Vigo e alcaldesa de Madrid mantiveron este venres unha reunión, na primeira ocasión en que un rexedor da capital visita oficialmente o Concello de Vigo. Caballero e Carmena amosaron o seu acordo en esixir ao Ministerio de Facenda que permita ás cidades reinvestir o seu aforro sen limitacións.
O alcalde de Vigo e presidente da FEMP confirmou que en todo caso mantense a convocatoria do martes 27 realizada a responsables de Gobernos Locais, cume "na que informarei do tratado con Montoro, valoraremos esa reunión, debateremos e adoptaremos as medidas que correspondan".
O alcalde de Vigo e o ministro de Facenda, Cristóbal Montoro manterán un encontro para abordar, entre outras cuestións, a reinversión do superávit dos concellos. Para falar desta mesma cuestión e da financiación das corporacións locais, o presidente da FEMP manterá o día 27 en Madrid un encontro con máis de 300 alcaldes e alcaldesas de toda España.
Logo de recibir aos representantes do Colexio de enxeñeiros navais e oceánicos, o alcalde de Vigo explicou que no encontro "constataron a boa marcha do sector, que empeza a recuperar o seu espazo". Outra das conclusións que compartiron foi a falta de profesionais cualificados nalgúns ámbitos do sector, unha situación consecuencia, segundo Caballero, do descoido da Xunta na formación de traballadores nos últimos catro anos.
Ante os datos de débeda das Administracións Públicas publicados hoxe polo Banco de España, Abel Caballero esixiu que se aplique un tratamento baseado na eficiencia de cada administración. Tal e como explicou a débeda local baixou case un 10% respecto a 2016, mentres que a das CCAA creceu nun 4%.
O alcalde presentou este xoves o evento, que comeza este sábado con homenaxes ao Lamborghini, Porsche 356, Citroën 2CV e ao Seat 124. O Salón aumenta notablemente os contidos de motos clásicas con casetas especiais dedicadas a Vespa e Montesa de estrada, e presenza de clubs
Presencia na reforma constitucional, definición de competencias e financiamento local son as principais liñas adiantadas na audiencia real celebrada esta mañá. En verbas de Caballero, "atopamos a un monarca de 2018, moi involucrado e profundo coñecedor da realidade dos municipios".
O alcalde de Vigo e presidente da FEMP explicou este martes en Pontevedra que "queremos que os nosos recursos sexan utilizados en favor dos nosos territorios" e lamentou a falta de resposta do ministro de Facenda, Cristóbal Montoro. Abel Caballero non descarta "máis accións e máis potentes" para impulsar unha solución.
O alcalde recibiu este venres aos organizadores do Congreso Martec 2018 e deu o apoio do Concello aos representantes do instituto de Investigacións Mariñas e o Instituto Español de Oceanografía. A cita celebrarase en Vigo do 2 ao 4 de maio e tratará sobre a política de descartes pesqueiros. Abel Caballero tamén mantivo unha reunión con directivos da Escola de Estudos Empresariais para unha xuntanza internacional na que cooperará o Concello.
Caballero criticou a situación de "cerrazón total" da Xunta na negociación cos traballadores de Xustiza que están en folga en defensa dos seus dereitos laborais. En rolda de prensa, amosou a súa preocupación pola actitude de falta de diálogo do goberno autonómico e reiterou o seu apoio ás reivindicacións deste colectivo profesional.