xoves, 27 ago 2015
O antigo salón de plenos do Concello vigués, situado na Casa Galega da Cultura, acolleu o acto de homenaxe aos alcaldes fusilados no franquismo.
xoves, 27 ago 2015
O alcalde de Vigo avogou hoxe xoves pola incorporación de Tui na área metropolitana de Vigo, tal e como lle solicitou o seu rexedor durante un encontro que mantiveron na Alcaldía. Caballero e Cabaleiro coincidiron nos parámetros que deben rexer o funcionamento do ente supramunicipal.
xoves, 20 ago 2015
Os alcaldes de Vigo e Fornelos de Montes coinciden "ao 100%" no modelo de Área Metropolitana de Vigo e na necesidade de reformar a lei autonómica de forma "urxente" para que entre en funcionamento. Así o explicou Abel Caballero ao remate da reunión con Emiliano Lage, no marco da rolda de entrevistas que está a manter cos alcaldes e alcaldesas do entorno para pulsar opinións sobre a Área Metropolitana.
mércores, 19 ago 2015
Abel Caballero e Sandra González mantiveron esta mañá unha reunión na que a alcaldesa expuxo o interese de Tomiño de formar parte da Área Metropolitana de Vigo. O rexedor mostrou a súa conformidade co prantexamento dada "a gran interacción" e fluxo de persoas que existe entre ambos municipios.
martes, 18 ago 2015
Abel Caballero recibiu este martes a Eva García e ambos mandatarios trasladaron a necesidade de reformar a actual lei autonómica de Área Metropolitana de Vigo de forma "rápida". "Compartimos gobernanza e competencias", indicou o alcalde de Vigo, quen apuntou a vontade de ambos concellos de encauzar o transporte metropolitano dentro do novo ente administrativo.
venres, 14 ago 2015
O alcalde de Vigo e o de Nigrán coincidiron esta mañá en ratificar a importancia da lei de área metropolitana para dar mellores servizos aos cidadáns cun menor custo. Caballero iniciou con Juan González unha rolda de contactos con rexedores da comarca para abordar, entre outros temas, a importancia desta iniciativa legal.
venres, 14 ago 2015
O alcalde de Vigo recibiu este venres na Alcaldía á nova dirección de Vigueses Distinguidos, presidida por Antonio Romero, antigo xuiz decano da cidade, e transmitiulles vontade de colaboración coa entidade, homes e mulleres de "moito criterio" e salientables polo seu traballo "en e pola cidade", explicou Caballero.
martes, 11 ago 2015
O alcalde mantivo este martes unha reunión cos responsables da Asociación de Enfermos de Artrite de Pontevedra (ASEARPO), organizadores das XI Xornadas do mes da artrite, que terán lugar o 17 de outubro en Vigo, coa colaboración do Concello. A entidade, de carácter provincial, quere realizar a súa función desde a cidade, polo que o goberno de Vigo considerará a posibilidade de cederlles un local.
mércores, 5 ago 2015
Tras a presentación do borrador dos orzamentos xerais do Estado para 2016, este mércores Abel Caballero valorou positivamente que as contas inclúan a conclusión da estación de Mayne, o AVE directo por Cerdedo e a humanización da Avenida de Madrid. Son os tres temas principais que planteou na súa reunion coa ministra de Fomento, Ana Pastor, e, aínda que considerou discutibles as cantidades, salientou que os resultados electorais e a nomeada reunión causaron efecto.
martes, 4 ago 2015
O alcalde de Vigo mantivo este martes unha reunión coa presidenta do Real Club Náutico, entidade que está a obter unha mellora substancial no seu resultado económico, polo que Caballero eloxiou o "traballo excepcional" da máxima responsable do club. O rexedor apuntou que o Concello colaborará co Náutico nos seus proxectos, singularmente na proba de vela que organiza en outono e conta con "rango europeo e un enorme prestixio".