Abel Caballero reuniuse esta mañá con representantes da organización do Salón do Automóbil de Vigo que no vindeiro mes de abril celebra a súa vixésimo quinta edición. O rexedor felicitou aos responsables do evento polo "magnífico traballo realizado nestes 25 anos" e comprometeuse a "seguir cooperando como sempre fixo o Concello, que ten sido un factor de dinamización do Salón".
Na inauguración este mércores dun encontro no que interventores e secretarios de municipios de toda España analizan o custo efectivo dos servizos públicos das entidades locais, o alcalde manifestou que a inmensa maioría dos concellos españois queren a derrogación da lei e rexeitan que se aplique ese concepto o vindeiro ano, xa que se descoñece a fórmula para empregalo. Ademais, o rexedor sostén que o cálculo do custo efectivo debe ter en conta as características particulares de cada municipio.
Abel Caballero e José Espartero, director de vendas de Ryanair para España e Portugal presentaron este luns no Concello as novas rutas que conectarán Peinador con Barcelona a partir do 2 de xaneiro, con Dublín e Boloña dende abril de 2016 e con Edimburgo e Milán en 2017. A compañía irlandesa estima que moverá dende Vigo 150.000 pasaxeiros e acadará o 90% de ocupación nos seus voos, que estarán dispoñibles dende mañá martes na súa páxina web por 19,99 euros.
Un gran lazo rosa loce hoxe luns na fachada do Concello en solidariedade coa celebración do Día Mundial contra o Cancro de Mama. En declaracións aos medios, o alcalde lanzou esta mañá unha chamada á "sensibilidade e á proximidade", ao tempo que trasladou todo "o noso apoio" ás doentes. <br />
O próximo mes de abril Vigo acollerá a XI Olimpíada Española de Bioloxía na que o alumnado de Bacharelato de toda España medirá os seus coñecementos nesa materia. Nun encontro mantido este luns entre o alcalde e os representantes do Colexio Oficial de Bioloxía de Galicia, Abel Caballero amosou o seu apoio a esta cita e ás iniciativas que se desenvolvan no ámbito científico na cidade
O rexedor mantivo esta mañá unha "protocolaria e cordial" reunión co novo vicecónsul de Portugal, Manuel Correia da Silva, durante a que lle trasladou a nova dimensión territorial que suporá a posta en marcha da área metropolitana de Vigo. Este novo ente administrativo terá entre 50 e 60 kilómetros de frontera con Portugal.
Vigo acolle dende hoxe o I Foro Internacional de Stakeholders, un encontro no que a FAO celebra o 20 aniversario do Código de Conducta para a Pesca Responsable. No acto de inauguración, no que estivo presente a Ministra de Agricultura e a Conselleira do Mar, o rexedor destacou a importancia de que o evento se desenvolva na cidade que se "reivindica e case supera a si mesma" como capital mundial da pesca.
A Feira Internacional de Productos do Mar Conxelados desenvolveuse ao longo de tres xornadas no Recinto Feiral de Vigo congregando a 500 expositores de 40 países. O rexedor puxo en valor esta nova edición da mostra e volveu demandar a súa ampliación porque o espazo "quedou pequeno". Amais, asegurou que Vigo seguirá sendo a capital da pesca no mundo coa celebración mañá xoves e o venres do Congreso da FAO e do I Encontro Internacional de Stakeholders.
Abel Caballero asistiu na mañá deste luns á apertura da XVII Feira Internacional de Productos do Mar Conxelados no Recinto Feiral de Vigo, onde destacou a importancia de que a cidade acolla eventos desta magnitude. Apuntou a relevancia de Conxemar no sector poque, dixo, "é aquí onde se fixan os prezos da pesca conxelada do mundo" e reafirmouse na súa intención de seguir demandando á Xunta de Galicia que aumente o espazo dispoñible do recinto para dar cabida a máis expositores, tal e como demanda a organización.
A Policía Nacional celebra este venres 2 de outubro o día do seu patrón, os Santos Anxos Custodios, cun acto que se desenvolveu na Comisaría de López Mora e que contou coa presenza de Abel Caballero, quen quixo transmitirlles "todo o meu apoio, solidariedade e afecto polo traballo excepcional que están facendo na cidade. Vigo é unha cidade segura e o labor policial merece o recoñecemento da cidadanía". <br />