luns, 21 set 2015
O alcalde de Vigo e novo presidente da FEMP, Abel Caballero, avoga porque o Goberno de España derogue a Lei Reguladora de Bases de Réxime Local e porque se reforme a Constitución de xeito que inclúa as competencias municipais.
xoves, 17 set 2015
Abel Caballero mantivo un encontro na mañá deste xoves co Comité de Empresa de Vodafone que lle transmitiu a súa preocupación polo ERE que pode afectar a entre un 20 e un 30 por cento do persoal do centro vigués. O Alcalde manifestou o seu desexo de que o proceso de regulación de emprego non inclúa a ningún traballador da cidade. <br />
mércores, 16 set 2015
Abel Caballero recibiu este mércores aos representantes desta Fundación, que propuxeron ao alcalde xogar "un papel central" na unión entre Vigo e o desenvolvemento económico industrial do mundo pesca-mar a través de varias iniciativas, entre as que salientou un "importantísimo" proxecto turístico "sobre o que nos poremos mans á obra".
xoves, 10 set 2015
Nun encontro mantido este xoves con Javier Tena, director territorial de Comercio, o alcalde manifestoulle que a economía é un obxectivo fundamental do seu goberno, polo que aposta polo traballo conxunto das dúas entidades á hora de situar a Vigo no comercio internacional e captar investimentos cara a cidade.
mércores, 9 set 2015
Nun encontro mantido este mércores no Concello con representantes da xunta de persoal do CHUVI, o alcalde asume a responsabilidade de mellorar a situación de uso do hospital e solicítalle ao presidente Feijóo que "hoxe mesmo tome a decisión de facer gratuíto o aparcamento do novo hospital". Ademáis considera que é necesario que se paralice de xeito inmediato a instalación do laboratorio de referencia no Meixoeiro para situalo en Beade.
luns, 7 set 2015
Na inauguración da sétima edición da Conferencia Mundial do Atún, que se desenvolve este luns e martes na cidade olívica, Abel Caballero destacou a importancia da industria atuneira na economía internacional. Ademais manifestou a honra e orgullo que supón para Vigo ser estes días a capital mundial do sector atuneiro, conserveiro e transformador dos produtos do mar e das súas industrias auxiliares, xa que aquí están reunidos os maiores expertos.
venres, 4 set 2015
O alcalde de Vigo aseverou que a "excepcional" manifestación de onte xoves foi "un momento histórico da cidade" que "marca un antes e un despois" na demanda dunha sanidade pública, gratuita e de calidade. Caballero esixíu ao presidente da Xunta de Galicia que atenda "este clamor multitudinario" e anunciou unha reunión para a próxima semana coa xunta de persoal do CHUVI.
xoves, 3 set 2015
Abel Caballero mantivo un encontro este xoves na Casa Consistorial coa nova directiva do Círculo Cultural Mercantil e Industrial de Vigo encabezada polo seu presidente, Nicolás López-Guerra, o vicepresidente, Avelino Castro, e o director xerente, Roberto Campo. O rexedor ofreceulles a cooperación institucional do Concello no labor que realizan, xa que se trata dunha entidade moi importante en Vigo, a quen o rexedor desexa a mellor sorte na nova etapa que inicia.
xoves, 3 set 2015
Abel Caballero fixo este xoves un chamamento á cidadanía viguesa a participar esta tarde, ás 20 horas desde o Hospital Xeral, na manifestación en defensa da sanidade pública e da saúde, unha reivindicación que ten "todo o respaldo do alcalde da cidade", incidíu, en demanda da calidade na asistencia sanitaria.
luns, 31 ago 2015
O alcalde asegurou este luns que o Concello continuará co respaldo ao "moi bo traballo" que realiza AJE (Asociación de Jóvenes Empresarios) e cooperará nesta nova proposta, que procura "apoiar, potenciar e divulgar", en verbas de Caballero, a acción de mulleres emprendedoras.