xoves, 18 feb 2016
O alcalde avanzou hoxe xoves que o destacado empresario vigués Enrique Peinador contará cun busto na Facultade de Económicas. Deste xeito, réndese homenaxe a un dos impulsores do tranvía na área metropolitana, explicou en rolda de prensa.
martes, 16 feb 2016
Preto de medio centenar de nenos e nenas de quinto e sexto de Primaria do Centro Plurilingüe Barreiro visitaron este martes a casa consistorial, dentro do programa "Visita o teu Concello". No salón de Plenos municipal foron recibidos e conversaron co alcalde de Vigo, quen salientou a "capacidade excepcional" amosada polos escolares na diálogo e nas preguntas formuladas.
martes, 16 feb 2016
Caballero avanzou que este xoves día 18 manterá un encontro co vicepresidente da Xunta para abordar o traslado da Cidade da Xustiza ao Hospital Xeral, unha proposta que a priori valora en positivo aínda que quere "estudala a fondo" e considera que "hai que darlle contido ao actual espazo porque non podemos desvestir esa zona".
martes, 16 feb 2016
Logo de manter un encontro con responsables da TAP, Caballero augurou o éxito da conexión con Lisboa que arrancará o próximo mes de xullo. Na súa opinión a decisión de esta aerolínea de escoller Peinador para operar coa capital lusa "pon de relieve a importancia de Vigo na xeración e recepción de visitantes".
venres, 12 feb 2016
O alcalde transmitiulle ao vicecónsul de Portugal en Galicia, Manuel Correia da Silva, a "inmensa vocación" de relación que ten a cidade con todo o país luso durante un encontro que mantiveron esta mañá na Alcaldía. No transcurso da reunión, Caballero ofreceulle "cooperación" na cesión de espazos públicos de cara á celebración en Vigo de actos e efemérides importantes en Portugal.
mércores, 10 feb 2016
O alcalde reuniuse este mércores pola mañá coa directora do Centro, Victoria Besada, a quen lle ofreceu a cooperación do goberno local no seu labor de investigación mariña e de servizo ao sector pesqueiro e marítimo.
mércores, 10 feb 2016
Este mércores, durante a presentación do VI Salón de Vehículo Clásico e de Época, que terá lugar este sábado e domingo no IFEVI, o alcalde saudou este evento "importantísimo" en Vigo, como "cidade do automóbil". A cita prevé reunir 600 vehículos clásicos, máis de cen expositores e unha ampla presenza de clubs e coleccionistas.
martes, 9 feb 2016
O rexedor criticou este martes as declaracións realizadas polo seu homólogo de Oporto, contrario á próxima implantación da ruta aérea entre Vigo e Lisboa, porque "van contra o libre mercado e ameazan seriamente a unha empresa" e pídelle á ministra Ana Pastor que actúe ante a Unión Europea contra esta agresión á cidade.
luns, 8 feb 2016
<br />
Abel Caballero recibiu este luns a unha representación do equipo da Universidade de Vigo que a temporada pasada deseñou un monopraza para a competición universitaria de Fórmula 1 e apuntou a conveniencia de que se "reforce o proxecto ampliando a presenza de empresas e institucións".
mércores, 3 feb 2016
O goberno municipal deu lectura este mércores a un comunicado de apoio a Carmela Silva no que denuncia os "insultos vergonzosos, intolerables e machistas" que recibiu a primeira tenente de alcalde e presidenta da Deputación por parte do tenente de alcalde de Moraña, Jorge Caldas, polo que lle "esixe" ao presidente da Xunta que o cese no seu cargo institucional "hoxe mesmo".