luns, 1 feb 2016
Abel Caballero inaugurou este luns a exposición "Mestres da Arte Viguesa", unha nova edición da iniciativa cultural Mostrarte que celebra os seus oito anos cunha proposta pictórica singular, reunindo obras dos principais artistas vinculados con Vigo, os máis representantivos e influentes do último século, como son Laxeiro, Lodeiro, Quesada, Solveira e Pulido, entre outros. <br />
venres, 29 xan 2016
O poeta Carlos Oroza xa ten unha rúa co seu nome na cidade, a ata o de agora coñecida como Travesía de Príncipe. Durante o acto de descubrimento da placa, o rexedor avanzou que o Concello está a traballar na conversión desta zona nunha praza.
mércores, 20 xan 2016
Abel Caballero e o artista Antón Pulido adiantaron unha xornada a celebración do Día Internacional da Aperta, que se conmemora mañá xoves. Con música do Cuarteto Caramuxo, o Concello reuniu na Praza de Peniche a un nutrido número de persoas que quixeron participar neste agarimoso acto.
mércores, 20 xan 2016
Logo do éxito de O Camiño dos Sentidos, protagonizado polo policía local Javier Pitillas, que percorre etapas do Camiño de Santiago con persoas con discapacidade, mañá estréase Diario dun camiño. A exhibición será no Auditorio Municipal ás 20,00 horas e conta, unha vez máis, co apoio do Concello, tal e como explicou o rexedor.
luns, 18 xan 2016
O centro de Vigo recibe hoxe luns ao autobús promocional da Feira do Cocido de Lalín, que ofrece degustacións ao público e conta coa colaboración dos novos valores da cociña lalinense. O alcalde salientou que é unha "magnífica ocasión" para probar un prato "excepcional" e invitou á cidadanía a achegarse a Lalín o 31 de xaneiro.
venres, 15 xan 2016
Abel Caballero apuntou que Vigo quere ser "cooperador" absoluto nesta campaña que impulsa a Organización non Gobernamental e que inclúe diversas accións de concienciación como unha exposición que chegará á cidade no vindeiro mes de maio.
xoves, 14 xan 2016
O director da Axencia Europea de Control da Pesca, Pascal Savouret, visitou este xoves ao alcalde de Vigo para propor a celebración conxunta do Día de Europa na cidade. Abel Caballero explicou que a entidade comunitaria baralla algunhas ideas para que a xornada viguesa teña "nivel europeo".
mércores, 13 xan 2016
O alcalde valorou o "crecemento significativo" colleitado por Peinador no 2015, ano no que o aeroporto vigués subiu un 4,9%, cun total de case 715.000 viaxeiros. Abel Caballero explicou que a chegada de Ryanair, gañador do último concurso público municipal, e os novos destinos doutras aeroliñas sitúan a Vigo "na liña que corresponde".
mércores, 13 xan 2016
O alcalde informou este mércores da aprobacion do proxecto EDUSI Vigo Vertical co que a cidade opta á primeira convocatoria para a selección de estratexias de desenvolvemento urbano sostible e integrado. Para o periodo 2016-2019, Vigo presenta unha proposta marco de 18.750.000 euros, que se sufragaría ao 80% polo FEDER e ao 20% polo Concello de Vigo.
luns, 4 xan 2016
O rexedor informou hoxe da ocupación do primeiro avión entre entre Barcelona e Vigo, que foi dun 92%, e o Vigo-Barcelona que rexistrou un 96% de ocupación o que apunta "a tónica do que vai significar Ryanair" no aeroporto de Peinador que "despega aínda que o proceso require de tempo".