martes, 16 abr 2019
O alcalde inaugurou unha nova edición de MostrArte, iniciativa municipal que leva ás dependencias da Alcaldía o traballo de creadores vigueses ou relacionados con Vigo. Desde este martes, a técnica realista de Fernanda Fernández amosa, entre outras obras, paisaxes da cidade perfectamente identificables.
venres, 12 abr 2019
O Mercado do Progreso acolleu este venres unha das xornadas do programa "Degusta Europa" que organiza a Deputación de Pontevedra, coa colaboración do Concello, para poñer en valor os produtos da gastronomía local e de temporada en pratos relacionados co continente europeo.
mércores, 10 abr 2019
Abel Caballero asistiu este mércores ao peche do I Congreso de Valores para mozos de Vigo que organiza a Fundación "Lo que te mueve" a través de charlas motivacionais e de valores co alumnado de Secundaria. O rexedor destacou a importancia da educación en valores e da súa promoción na sociedade actual, que debe enfrontarse a realidades que supoñen retos, como é o caso da inmigración ou da violencia de xénero.
mércores, 10 abr 2019
Coincidido cos corenta anos do accidente do río Órbigo no que perderon a súa vida 49 persoas, o goberno local colocará esta tarde unha placa na Lonxa do Concello en memoria das vítimas e da súa familia. Esta homenaxe desenvolverase de xeito simultáneo ao tributo que se organiza en Santa Cristina da Polvorosa -onde tivo lugar o sinistro - e no que participarán os edís Olga Alonso e Ángel Rivas.
luns, 8 abr 2019
O vindeiro mércores 10 de abril, ás 16:30 horas o Concello descubrirá na entrada do edificio municipal unha placa en recordo das vítimas do tráxico accidente do río Órbigo, con motivo do 40 aniversario do suceso.
venres, 5 abr 2019
Abel Caballero destacou a importancia do traballo realizado pola empresa no seu décimo aniversario e trasladoulle ao xerente, Rubén Domínguez, o "orgullo" da cidade polo éxito conseguido. Baixo o lema "Vivencia. El valor de las experiencias", FORBE celebrou hoxe unha xornada na que compartirá as experiencias inspiradoras de Albert Espinosa, Moncho Fernández, Chus Lago, Borja Oubiña ou Desiré Vila, entre outros.
venres, 5 abr 2019
Durante a clausura do programa "Diálogos que impulsan" no que influencers como David Meca ou Pau García Milá compartiron con empresarios de Vigo experiencias motivadoras, o rexedor destacou a capacidade empresarial e económica da cidade.
xoves, 4 abr 2019
O alcalde participou esta mañá no acto de homenaxe ao artista e empresario Isaac Díaz Pardo organizado na Escola de Empresariais na que un aula leva desde hoxe o nome deste artista, intelectual e empresario. Durante a súa intervención, Caballero eloxiou unha iniciativa que recoñece a unha "forza creativa da natureza e un referente da Galicia da modernidade".
mércores, 3 abr 2019
Na delegación viguesa, Abel Caballero e o secretario xeral do Isfas, José Ramón Plaza, desprazado deste Madrid, mantiveron este mércores unha entrevista xunto ao subdelegado da sede de Gran Vía, Augusto Chereguini. O responsable do Instituto Social das Forzas Armadas garantiu ao alcalde que continuará en Vigo atendendo aos 4.000 usuarios.
martes, 2 abr 2019
O alcalde de Vigo, Abel Caballero, visitou este martes as instalacións do Centro Galego de Telecomunicacións de Galicia – Gradiant no edificio Citexvi do Campus Universitario de Vigo. Os responsables destacaron as oportunidades de futuro e o potencial tecnolóxico e industrial de Vigo.