Máis de 150 científicos celebran esta semana en Vigo o XVII Congreso Nacional de Biotecnoloxía. Durante a inauguración, Caballero destacou o papel cada vez máis importante do coñecemento relacionado coa investigación e os avances científicos. "Temos que contar cun núcleo de investigación que avance sempre na mesma dirección e as universidades xogan un papel esencial neste proceso", afirmou.
Abel Caballero participou este martes na festa da comunidade musulmá de Vigo no pavillón do Berbés. O alcalde tomou a palabra durante os actos para invitar a todos os presentes a sentirse partes da cidade e destacou o carácter aberto dos vigueses cara a outras comunidades e outras culturas.
Abel Caballero visitou este xoves no Tinglado do Porto a exposición conmemorativa do 40 aniversario da incorporación da muller á Policía Nacional, que permanecerá aberta durante unha semana. Vigo é a única cidade galega na que poderá visitarse a mostra, un aspecto que agradeceu o rexedor ao tempo que puxo en valor a traxectoria da Policía que "soubo camiñar cos tempos" e traballar en favor da igualdade laboral entre homes e mulleres.
Abel Caballero presidiu esta mañá por videoconferencia a Xunta de Voceiros da FEMP, unha reunión de "carácter máis rutineiro" ao estar en funcións todos os alcaldes e alcaldesas de España, polo que adían as decisións máis importantes para cando estean constituídas as novas corporacións. O presidente da FEMP explicou que quedou aprobada a axenda internacional da entidade "moi singular e importante" e quedou constancia de que a Xunta de Contratación ten "cada vez máis concellos adheridos e é un sistema que está funcionando ben", recalcou.
O alcalde acudiu este xoves á estación marítima, desde onde uns 500 alumnos e alumnas de 3º e 4º da ESO de trece colexios da cidade desprazáronse ás illas Cíes nun viaxe educativo. O programa divulgativo "Planeta Cíes" forma parte do proxecto da candidatura do arquipélago a Patrimonio da Humanidade da UNESCO.
Expertos internacionais debaten esta martes sobre a aplicación de novas tecnoloxías no sector nun Foro enmarcado no proxecto IN 4.0
Abel Caballero asistiu este mércores á presentación do plan estratéxico de I+D+I dos medianos e pequenos estaleiros, destinado a impulsar ao sector naval a nivel europeo, que celebrou a Asociación Clúster do Naval Galego, ACLUNAGA en Vigo. O rexedor puxo en valor a traxectoria das empresas do naval pola calidade do seu traballo e a competitividade demostrada no ámbito internacional.
O rexedor alertou dos intentos das dereitas extremas de desmembrar a Unión Europea, lembrando o fascismo, a peor etapa da historia do continente. Ao longo da súa intervención, avogou por facer fronte a estes ataques recuperando o eixo entre España, Francia e Alemania. Así o advertiu esta mañá durante a conmemoración do Día de Europa nun acto organizado na Axencia Europea de Control da Pesca. <br />
Vigo acollerá en novembro a terceira edición do encontro que en 2018 superou os 300 inscritos. O alcalde recibiu este martes a unha representación do Consello Galego de Enxeñeiros Técnicos Industriais, os organizadores do III Congreso Internacional de Prevención de Riscos Laborais e Seguridade 4.0, que se marcan o obxectivo de situar á cidade como un referente para empresas e profesionais do sector. Para iso contarán coa presenza de profesionais relevantes e coa experiencia de expertos en prevención e seguridade, centros tecnolóxicos e da administración. <br />
O alcalde recibiu este martes a un grupo de enfermeiras do Hospital Álvaro Cunqueiro que están traballando para optar á organización en Vigo da 37 Xornada Nacional de Enfermería Traumatolóxica no ano 2021, un evento para o que o rexedor comprometeu "todo o apoio que precisen".