O alcalde instou á Xunta a pactar as condicións do desenvolvemento do Proxecto de Interese Turístico do Ofimático coas persoas afectadas. Explicou que o centenar de familias afectadas ten dereito a compensacións económicas axeitadas e a estar informadas con antelación suficiente.
O alcalde destacou que a cidade continúa consolidándose como unha gran potencia turística, unha realidade que, segundo sinalou, "se constata no día a día". Así, cifrou a ocupación hoteleira da fin de semana en máis dun 90%, o que confirma practicamente o cheo nos hoteis da cidade. "Abonda con pasear polas rúas para escoitar acentos de toda España e idiomas de moitos países", afirmou, antes de concluír que "Vigo é a cidade turística máis importante de Galicia".
O Concello destina preto de 3 millóns de euros anuais ás nove escolas infantís municipais para nenas e nenos de 0 a 3 anos, que son gratuítas para as familias e financiadas integramente polo Goberno municipal.
Abel Caballero anunciou este luns ao cónsul venezolano, Martín Pacheco Morillo, que a recadación do acto convocado polo Goberno municipal irá destinada a financiar as principais necesidades das vítimas dos terremotos, entre as que destacan, alimentos, auga e medicamentos.
David Regades, delegado da Zona Franca, será o encargado de redactar o pregón dunha celebración que, unha vez máis, reunirá á cidade nos xardíns de Castrelos. O acto do Día de Galicia arrancará ás 20,00 h o próximo mércores 22 de xullo.
Abel Caballero explicou que a partir das 20:15 horas desta tarde permanecerá aberta a zona fronte ao escenario para acceder a unha das 2.500 cadeiras instaladas con motivo do enfrontamento eliminatorio entre as dúas seleccións ibéricas.
Abel Caballero presentou este luns, coa directiva da Comisión de Festas de Santa Eulalia de Alcabre, o programa festivo organizado para os cinco días da celebración. Contará con actividades para todas as idades.