Entre as partidas máis destacadas está o programa Vigo en Inglés con 3.225.000 de orzamento. O Goberno municipal dedica 3.594.000 euros a limpeza, vixilancia, reparación, electricidade e calefacción nos colexios.
O Concello prosegue coa instalación do ascensor entre Romil e Hispanidade, unha vez reparadas as deficiencias do muro de contención que obrigaron a atrasar os traballos durante varios meses. Ao mesmo tempo, tamén se están executando obras de humanización da Avenida da Hispanidade, entre Amor Ruibal e Feliciano Rolán.
O Concello de Vigo segue á cabeza das cidades galegas e españolas no prazo de pago aos provedores, situado en 5 días. “O dato é incontestable”, afirmou este luns o concelleiro de Orzamentos e Facenda, Jaime Aneiros, no Pleno ordinario de outubro, ao contrastar a situación da cidade coa das urbes gobernadas polo BNG e o PP: Santiago de Compostela, que alcanza os 91 días, e Ferrol, con 28 días.
O Pleno Municipal deste luns aprobou a moción socialista que demanda tamén a recuperación do programa de gratuidade dos libros de texto no ensino obrigatorio.
O Pleno tamén deu luz verde á moción do grupo municipal socialista que insta á Deputación de Pontevedra a elevar o convenio anual co Concello de Vigo ata os 6,5 millóns de euros.
Vitrasa duplicará este ano as frecuencias das tres liñas nocturnas con motivo da noite do Samaín, co obxectivo de facilitar os desprazamentos e ofrecer unha alternativa segura e accesible a todas as persoas que participen nas celebracións do 31 de outubro.