mércores, 24 febreiro 2021

O Pleno pide á Xunta que autorice o traslado da escola infantil Santa Marta ao Ceip Ramón y Cajal

mércores, 24 feb 2021

A moción socialista, aprobada coa abstención do Grupo mixto e o voto en contra de PP e do concelleiro non adscrito, insta ao goberno autonómico a atender as necesidades da cidade autorizando o traslado para habilitar unha escola infantil permanente para alumnado de 0 a 3 anos nese centro educativo, dada a necesidade xurdida co desenvolvemento das obras do Barrio do Cura.

O Pleno insta á Xunta a aportar 13 millóns nun plan de investimentos para o Porto de Vigo

mércores, 24 feb 2021

A sesión ordinaria do mes de febreiro do Pleno Municipal aprobou unha moción do grupo municipal socialista no que se reclama á Xunta de Galicia un plan de investimentos no Porto de Vigo. Ademais, tamén recibiu o visto e prace outras dúas propostas socialistas para que o Goberno galego desbloquee os proxectos paralizados por Patrimonio e acepte a declaración de catro novas Áreas de Rehabilitación Integral na cidade.

Vigo celebra o día de Rosalía con poemas e paseos virtuais

mércores, 24 feb 2021

Vigo conmemora este 24 de febreiro o nacemento de Rosalía de Castro con recitado dos seus poemas en distintas linguas -coa colaboración de profesorado e alumnado de colexios e da Universidade-, coa proxección dos seus textos nos autobuses urbanos e cun paseo literario virtual polo Vigo da autora. “Sempre que se trate de Rosalía, Vigo vai estar presente”, manifestou Abel Caballero.