Dous equipos de limpeza con cinco operarios iniciaron xa un plan especial de eliminación de pintadas en Vigo. O alcalde advertiu de que o Concello tamén mobilizará a policías de paisano e comezará a sancionar ás persoas que realicen grafittis.
Son os terreos de xogo do Vao, da Guía, Santa Mariña e Fragoselo, onde o goberno de Vigo investirá 1,7 millóns, segundo cifrou Abel Caballero este luns. A renovación do céspede e da iluminación do campo do Vao acaba de saír a licitación pública, por importe de 642.000 euros.
A administración local conta con 9 traballadoras sociais máis, o que eleva a 40 o número de profesionais que atenden unha demanda que crece a causa da crise sanitaria. Deste xeito, o Concello aumenta case nun 30% o cadro de persoal.
Abel Caballero trasladou este luns a súa “satisfacción polo importante relanzamento da exportación” o ano pasado, “como unha parte tan importante da economía, con interese para Vigo, para Galicia e España”.