Segundo informou Abel Caballero, o periodo de solicitude de praza para o curso 2016-2017 vai do 7 ao 31 de marzo e o Concello conxela novamente as tarifas para as oito escolas infantís municipais. O alcalde urxiu á Xunta de Galicia a que autorice a apertura das escolas de Navia e Mestres Goldar.
A Xerencia municipal de Urbanismo deu comezo este venres ao procedemento de modificación do uso do espazo anexo ao Colexio Alfonso Rodríguez Castelao, en Navia, que faga posible a ampliación do citado centro educativo por parte da Xunta de Galicia. O alcalde de Vigo definiu de "imprescindible" esta obra.
Abel Caballero pediu a colaboración do Colexio Oficial de Arquitectos de Galicia no traslado da Cidade da Xustiza ao Hospital Xeral e tamén solicitou o seu apoio para o proxecto municipal de construír a biblioteca estatal nos terreos expropiados e dar un uso social e cultural aos actuais edificios xudiciais.
O Concello deu luz verde á prórroga dun contrato que permitirá que 300 estudantes de 3º da ESO gozen este ano dunha bolsa de inmersión lingüística. A esta cifra hai que engadir outras 120 que xa están en marcha tamén para o mesmo grupo de idade, e outros 150 para alumnos de bacherelato que non poideran viaxar no 2013. Os alumnos da Escola de Idiomas tamén poderán optar a outras 47 prazas.
O alcalde destaca a "paixón" de Vigo polo mar durante a presentación da entrega dos premios que concede a Fundación Biamar recoñecendo o labor das persoas e entidades que traballan no mar, e que escolleu a Vigo como anfitrioa por primeira vez para esta cerimonia. O acto será esta noite no Auditorio do Mar.
A concelleria de Participación Cidadá organiza cursos de alfabetización electrónica que se desenvolveran os meses de marzo, abril, maio e xuño nas Oficinas Municipais de Distrito.
O servizo de Normalización lingüística organiza o sábado 27, un percorrido polo Casco Vello vigués da man de Rosalía de Castro ás 11:00, no Paseo de Afonso XII, ao carón da oliveira (duración do percorrido 1 hora e media).<br />
O servizo de Normalización lingüística programa un obradoiro de improvisación teatral destinado a adolescentes ou persoas adultas non profesionais no eido das artes escénicas.