Abel Caballero iniciará o mércores co Colexio de Avogados unha rolda de contactos para coñecer a opinión dos colectivos vigueses sobre o traslado da Cidade da Xustiza á torre do antigo Hospital Xeral. Asegurou Caballero este luns que a proposta, ben acollida polo Concello, ten unha "enorme dimensión cidadá" que require dun "gran consenso".
O rexedor vigués recibiu este luns á organización do media maratón, que discorre entre Vigo e Baiona, e que celebra a súa décimo sétima edición o próximo 10 de abril. No encontro abordou a colaboración do Concello para que a proba se desenvolva con éxito como en anos anteriores.
O martes, 23 de febreiro ás 19:00h o Centro de Documentación e Recursos Feministas acollerá o faladoiro "Rosalía, feminista" que impartirá Anxo Angueira, presidente da Fundación Rosalía de Castro. Actividade que se enmarca dentro dos actos que o Concello de Vigo organiza con motivo da celebración do Día de Rosalía o día 24 de febreiro