Abel Caballero destacou hoxe venres o "imparable proceso de recuperación do aeroporto de Vigo", durante a presentación das oito novas rutas áeras que porá en marcha Air Nostrum. Esta aerolínea conectará Peinador con Sevilla, Málaga, Alicante, Menorca, Gran Canaria, Londres, Roma e Bruxelas.
A Xunta de Goberno Local deu este venres luz verde ao proxecto de colaboración con PSA Peugeot Citroën, segundo o cal o Concello achega 300.000 euros para a contratación de 60 persoas. O alcalde informou tamén da adxudicación das axudas municipais á creación de empresas, por importe de 150.000 euros e 135 empregos creados.
O alcalde avanzou este venres que a próxima semana se reunirá con asociacións de motoristas para pasar revisión a todos os gardarraís da cidade que supoñen un risco para a integridade física dos motoristas en caso de caída. Caballero asegurou que "imos por salvagardarraís en todos os viais da cidade de competencia municipal" para que "Vigo quede libre de gardarraís asasinos".
A Xerencia de Urbanismo, segundo informou este venres o alcalde, deu conta do inicio da tramitación dunha modificación puntual do PXOM para a redefinición do vial municial Estrada da Venda, un cambio "de gran importancia" ao facer posible a ampliación do PTL.
O alcalde de Vigo participou este venres no acto de inauguración do monumento, emprazado á altura do coñecido como "balcón de Aragón", unha das accións promovidas con motivo do Día Mundial en Recordo ás Vítimas de Accidentes de Tráfico que ten lugar o terceiro domingo de novembro.
O concelleiro de Cultura, Cayetano Rodríguez, presentou este venres o concerto de Sharon Jones, mañá ás 21:30h no Auditorio Mar de Vigo, sendo a única parada e a primeira vez que visita Galicia. O Concello colabora coa productora Sweet Nocturna na realización deste evento, con entradas dispoñibles a 18 euros máis gastos.
O edil de Cultura, Cayetano Rodríguez, presentou hoxe venres a película xunto ao seu director, o vigués Fran Araújo. Despois da súa boa acollida en festivais nacionais e internacionais, o Concello de Vigo programa a súa proxección para este sábado, ás 20:30h no Auditorio Municipal, con entrada de balde ata completar aforo.