Cun orzamento de 300.000 euros o Concello acometerá obras de accesibilidade en 21 centros da cidade. A esta cantidade hai que sumarlle, segundo explicou o rexedor en rolda de prensa, outros 100.000 euros que se investiron este verán en traballos de mellora en 20 colexios de Vigo.
O Concello de Vigo, a Fundación FAIMEVI e o Colexio de Enxeñeiros Industriais de Galicia organizan o 25 e 26 deste mes as terceiras xornadas técnicas Smart Cities & Communities, coa colaboración da Zona Franca e a Universidade de Vigo. Máis de 35 empresas de primeiro nivel exporán no Auditorio Mar de Vigo as súas propostas tecnolóxicas sobre cidades intelixentes e, en paralelo, se celebrarán as xornadas técnicas coa asistencia de 300 profesionais.
O alcalde presentou unha nova edición do Enlaza Vigo, un conxunto de accións dirixidas a denunciar e sensibilizar á sociedade sobre a violencia contra as mulleres. O 25 de novembro, día Internacional contra esta lacra social, 1.900 alumnos de 24 centros de secundaria formarán un tapiz na rúa Urzáiz.
O alcalde de Vigo, Abel Caballero, rubricou este martes un convenio de colaboración cos responsables da Rede de Mulleres Veciñais contra os Malos Tratos, un apoio económico "moi importante" do Concello á entidade para respaldar a súa función de atención ás vítimas.
Abel Caballero inaugurou este martes unha nova edición de Mostrarte, o ciclo que leva aos espazos da Alcaldía obras de recoñecidos artistas da cidade. Desta volta, o goberno local programa a exposición colectiva Oceanus Nostrum, con 35 obras de 27 creadores, e o mar como nexo de unión e obxecto de tributo da mesma.