O Concello apoia a celebración do 3º Concurso de Violín e Violonchelo, do 5 ao 7 de decembro

O certame dará comezo o venres, 5 de decembro, cun concerto ofrecido polos cinco gañadores da última edición xunto á Orquestra Sinfónica Vigo 430. Durante a fin de semana, máis de medio centenar de intérpretes chegarán a Vigo procedentes de toda Galicia e urbes españolas como Madrid, Barcelona, Málaga e Sevilla, xunto a unha representación de músicos portugueses. A organización programa tres categorías na competición: ata os 12 anos, dos 12 aos 16 anos e deste aos 20 anos.