O alcalde mantivo unha reunión cos responsables da compañía para avaliar o funcionamento dos voos que operan desde Vigo a Ibiza, Valencia e Palma, rutas que van "francamente ben". Caballero confía en que "en setembro" Volotea decida que un avión teña base en Vigo -que significaría entre 25 e 30 empregos na cidade- e asegurou que a aeroliña vai "ampliar as rutas" desde Vigo para a próxima tempada.
Durante este verán, o Concello realizará obras de accesibilidade en 21 centros públicos da cidade cun orzamento de 300.000 euros. Asi mesmo, o goberno local organiza un ano máis o Lecer no verán, un programa de respiro familar para persoas con discapacidade.
En verbas de Abel Caballero, o informe do Consello do Poder Xudicial que avala que Vigo manteña a súa demarcación obriga "moral e políticamente" ao Goberno central a recoñecer que "Vigo teña o seu propio desenvolvemento territorial no ámbito da xustiza". En rolda de prensa, o rexedor amosou a "súa satisfaccón" co dictame emitido polo órgano dos xuíces.
Abel Caballero informou este venres da aprobación inicial do Plan Parcial de Gorgoso, entre Sárdoma e Castrelos, un ámbito con máis de 100.000 metros cadrados de superficie cunha rede de carrís bici e un paseo fluvial. O 51% das 370 vivendas contempladas serán a prezo taxado, salientou o alcalde.
Os membros de Berrogüetto presentaron hoxe en Vigo, acompañados polo concelleiro de Cultura, Cayetano Rodríguez, o seu derredeiro concerto da xira de despedida anunciada na súa disolución, en febreiro de 2014. Ourense, Santiago, A Coruña e Lugo foron as outras cidades escollidas pola banda para decir adeus ao seu público.
O Festival Folclórico Internacional, froito do convenio de colaboración entre a Concellería de Cultura e Festas e a Asociación Cultural Interfolc, que chega á súa vixésima edición, abre o prazo de solicitudes de actuacións, que terán lugar entre o 5 e o 10 de agosto. O festival inclúese na programación Vigo en Festas 2014. O festival ten por obxecto fomentar, promocionar e achegar a cultura tradicional e o folclore popular á cidadanía, polo que ofértanse un número máximo de CINCO beneficiarios de actuacións para a presente edición.
A Xunta de Goberno Local do Concello de Vigo, en sesión extraordinaria e urxente do día 30 de maio de 2014, aprobou as bases e a convocatoria do «Programa Municipal de axudas extraordinarias a familias para gastos de aloxamento, subministros e alimentación – 2014»