Abel Caballero cifrou nun millón de euros a aportación municipal ao Plan Local de Drogas, dos que 70.000 se adican a prevención e o resto a tratamento asistencial. En rolda de presa, criticou que a Xunta de Galicia eliminara a súas achegas para traballos de prevención, pasando de 100.000 euros en 2011 a 0 euros nos anos seguintes.
A Xunta de Goberno local aprobará mañá venres a adhesión a un convenio estatal para a creación dun fondo social de vivenda para persoas desafiuzadas. En España, serán 5.891 as vivendas que se ofrezan en aluguer, en Vigo son 7 e en Galicia, 114.
O alcalde informou este xoves da campaña de promoción turística da cidade en Corea do Sur, que pretende posicionar a Vigo nos circuitos turísticos asiáticos en España. Coa imaxe de Park, futbolista coreano do RC Celta, o goberno local organiza unha misión comercial para xornalistas, blogueiros e axencias de viaxes especializadas.
A presidenta do Club Deportivo de teis, Ruth Calvo, e o alcalde de Vigo, Abel Caballero, asinaron esta mañá un convenio de colaboración por un importe de 20.000 euros. Esta subvención forma parte das achegas que o goberno local destiña aos equipos de élite da cidade e que este 2013 supera o millón de euros.
A Fundación Penzol, con sede na Casa Galega da Cultura (Praza da Princesa, 1), inaugura este venres día 26 de abril, ás 12,30h, na súa sala de exposicións da planta baixa, a exposición "Fermín Penzol. Unha obra para un país", concebida como unha conmemoración, unha homenaxe de lembranza comunitaria a este grande mecenas galeguista. A exposición permanecerá aberta ao público ata o 26 de maio.