Abel Caballero, xunto a numerosos concelleiros municipais, inaugurou este venres o novo pavillón polideportivo de Candeán, o terceiro aberto baixo o seu mandato, despois do da ETEA e o de Navia. O recinto conta cun área exterior multiusos e un ximnasio de 150 metros cadrados, cun total de 2,5 millóns investidos.
O alcalde puxo en valor o nutrido elenco de artistas -máis de veinte- que dan forma a "Bosquexos do Mundo", a exposición inaugurada este venres na planta baixa do MARCO -e aberta ata o 15 de setembro-, que chegará posteriormente a Santiago e A Coruña, froito da colaboración co Auditorio de Galicia e a Fundación Luis Seoane.
O Concello adicará o curso que ven 1,6 millóns de euros a bolsas de comedor e libros, una cantidade que, segundo explicou, suple o recorte de 200.000 euros acometido pola Xunta nesta materia. Durante a rolda de prensa, lembrou que no presente curso escolar, son preto de 4.000 escolares os beneficiarios dunha bolsa de comedor municipal.
O proxecto urbanístico para Barrio do Cura xa está en marcha, coa aprobación unánime do Plan de Reforma Interior que se aprobou hoxe venres na Xerencia de Urbanismo. A proposta contou con todos os informes favorables e agora hai un mes de información pública. A partir de aí, a Xunta deberá emitir un informe sectorial preceptivo para su eventual aprobación en Pleno.
Ponse en coñecemento do público en xeral que por mor da celebración do Día Mundial da Bicicleta, terá lugar no Castro o evento VIVE VIGO EN BICI, con diversas actividades, polo que compre pechar ao tráfico as rúas e treitos seguintes: PASEO DOS CEDROS, PASEO ROSALÍA DE CASTRO, MARQUÉS DE ALCEDO, entre Manuel Olivié e o Paseo Rosalía de Castro, en sentido cara ao Paseo Rosalía de Castro, o Sábado 20/04/2013 entre as 06:00 e as 22:00 horas.
Ponse en coñecemento dos PROPIETARIOS das EDIFICACIÓNS CONSTRUÍDAS NO ANO 1981 que o 11 de abril de 2013 se procedeu á publicación nos taboleiros de anuncios do Concello e da Xerencia Municipal de Urbanismo (Praza do Rei, s/n - Vigo), e na páxina web do Concello (www.vigo.org/ite), da listaxe das referencias catastrais correspondentes ás edificacións das que non consta a presentación do informe de ITE durante o ANO 2012.