venres, 19 nov 2010
O alcalde avanzou hoxe venres que a cidade olívica recibirá o próximo luns a mención especial de UNICEF como cidade amiga da infancia, a primeira urbe galega en conseguilo. Abel Caballero asegurou que a entidade recoñece así a aposta viguesa pola infancia, como amosa a construción de novas garderías, as becas de comedor e de inglés ou os novos parques infantís.
venres, 19 nov 2010
A concelleira de Benestar Social, María Méndez, presentou este venres a xornada solidaria que se celebrará mañá na Praza de Compostela, en horario de 11 a 13.30 horas e 16.30 a 19 horas, que tamén inclúe un concerto gratruíto no Auditorio Municipal ás 21.30, a cargo de La Habitación Roja. A concelleira nacionalista destacou que esta iniciativa, na que colaboran diversas ONGD que traballan en Vigo, ten por obxectivo "sensibilizar á cidadanía sobre a necesidade de que se cumpran os obxectivos do Milenio".
venres, 19 nov 2010
O alcalde de Vigo, Abel Caballero, informou hoxe venres da contratación na Xunta de Goberno Local de 213.000 euros para melloras de ampliación ou creación de seis parques infantís na cidade, en Pedro Alvarado, Praza da Miñoca, Coutadas, Aragón, San Roque e Zamáns. Explicou o primeiro edil que o goberno local xa creou ou ampliou 150 parques infantís.
venres, 19 nov 2010
O concelleiro de Deportes, Xabier Alonso, presentou este venres o XII Trofeo Cidade de Vigo de Kárate que se celebra mañá sábado 20 de novembro, no polideportivo de Bouzas, a partir das 17.30 horas. Na presentación, na que tamén participou o responsable do clube A.D. Zanshin, Fernando Álvarez, o concelleiro nacionalista destacou que a selección galega será un dos equipos participantes nesta cita deportiva.
venres, 19 nov 2010
O tenente de alcalde, Santi Domínguez, e o concelleiro de Patrimonio Histórico, Eudosio Álvarez, visitaron este venres as obras de reforma interior e mantemento que se están executando no Pazo de Castrelos cun orzamento de 120.000 euros. Tras a visita, o tenente de alcalde salientou a prioridade destas actuacións, as primeiras en dez anos, no obxectivo de converter ao Museo de Castrelos no elemento vertebrador da oferta museística de Vigo. <br />
venres, 19 nov 2010
O alcalde avanza que os 7,5 millóns de euros que lle corresponden á cidade en 2011 dos fondos estatais adicaranse a bolsas de comedor, á política social e educativa e a mellorar a calidade de vida dos vigueses. Tanto Gaspar Zarrías coma Abel Caballero felicitaron ao tenente de alcalde polo traballo levado adiante nun pavillón que ten capacidade para 1500 espectadores, dos case que 400 son en grada móbil.
Turismo
venres, 19 nov 2010
En data Luns, 15 de novembro de 2010 publicouse no BOP nº 219, as bases xerais e a convocatoria de catro bolsas para a realización de prácticas en oficinas de información e servizos turísticos do Concello de Vigo, durante o período comprendido entre o 16 de novembro de 2010 ata o 15 de xullo de 2011.
venres, 19 nov 2010
O teatro infantil da programación estable de artes escénicas que organiza a Concellería de Cultura continúa este domingo 21 de novembro ás 18 horas no Auditorio Municipal. Será coa obra "Unha casa", da compañía Higiénico Papel Teatro, recomendada para nenos e nenas de 3 a 8 anos e cunha duración de 40 minutos.
venres, 19 nov 2010
ASUNTOS PARA INCLUIR NA SESIÓN ORDINARIA DA XUNTA DE GOBERNO LOCAL DO 23 DE NOVEMBRO DE 2010
