O presidente da Autoridade Portuaria, Abel Caballero, propúxolle á alcaldesa, Corina Porro, nunha reunión mantida hoxe mércores, a construción dun peirao de 700 metros de lonxitude no actual dique da terminal de Bouzas. Con esta medida preténdese que o Porto de Vigo sexa o máis competitivo dos do noso contorno.
Nas V Xornadas do Plan Local sobre dropodependencias e outras adiccións , que se desenvolve no Verbum, os días 23 e 24 , presentouse un estudio epidemiolóxico sobre a materia nas persoas xoves de 14 e 21 do municipio de Vigo. O estudio elaborado polo catedrático de psicoloxía clínica da Universidade de Santiago, Elisardo Becoña, indica que Vigo non se diferencia doutras cidades do nosos entorno e que a ruta que sigue a adicción é alcohol, tabaco, cannabis, cocaína.
A Feira Internacional da Industria Naval "Navalia", que se celebrará no Ifevi do 23 ao 25 de maio, foi presentada hoxe mércores pola alcaldesa, Corina Porro, como unha oportunidade de promoción para o sector naval vigués, cuxos niveis de produción e emprego o sitúan como líder a nivel español.
Un total de 36 asociacións das tres universidades galegas reúnense hoxe mércores e mañá xoves no campus de Vigo para participaren na cuarta edición da Feira de Asociacións da Universidade de Vigo (Universitúa), a cuxa inauguración acudiu a concelleira de Xuventude, Lucía Molares.
O Museo de Arte Contemporánea de Vigo, celebra os días 24 e 25 unhas xornadas de reflexión "Arte contemporánea na democracia". A inauguración estará a cargo de Carlos Alberdi, Director de Cooperación y Comunicación Cultural do Ministerio de Cultura, e a continuación comezará unha das tres mesas redondas que se desenvolverán entre o xoves e o venres, todas elas de entrada libre para o público en xeral.
O xoves, día 24, comezan as Cenas Líricas, no marco d programa "Lírica de Outono" e baixo unha idea do Concello de Vigo, principal patrocinador da tempada operística, de levar as diversas manifestacións musicais a ámbitos populares. Organizadas por Amigos da Ópera e coa colaboración do Conservatorio Superior de Música de Vigo e do Conservatorio Mayeusis, contarse coa participación de dúas sopranos, Ana Cristina López Ferreira e Cristina Barriga García; un tenor, Enrique A. Martínez e a colaboración especial do pianista: Alejo Amoedo.
A construcción dunha piscina en Valadares e a contratación de varios proxectos de obras son, entre outros, os temas que tratará a Xunta de Goberno Local na reunión extraordinaria e urxente que celebra o xoves, día 24,ás 9:45 h