A concelleira Marta Iglesias presentou as axudas que o Concello destinará ás familias para a adquisición de material escolar e gastos de comedor. O importe total destas subvencións pasou de 300.000 euros en 2002 a 400.000 en 2005.
As obras de construcción da "Illa dos monos" de Vigo-Zoo comezarán o vindeiro luns 18 de abril e terán unha duración de tres meses. Ademais, o 1 de maio o zoolóxico celebrará a súa xornada de portas abertas.
A alcaldesa, Corina Porro, presentou no Concello o Festival Internacional e o Concurso Nacional de Piano Vigo 2005. O Festival Internacional traerá á nosa cidade, do 19 de abril ao 1 de xuño, algúns dos máis destacados intérpretes deste instrumento. No Concurso Nacional, que terá lugar do 26 de maio ao 30 de maio, competirán pianistas de España e Portugal nas categorías infantil, xuvenil e novo concertista.
A II edición do Rally Internacional Costa Atlántica Classic sairá o próximo 22 de xuño de Oporto para chegar tres días despois á illa da Toxa. Ademais da competición de regularidade e de elegancia, nesta segunda edición haberá unha modalidade turística.
No marco das actividades de potenciación do galego que se están a desenvolver na Biblioteca Pública Central de Vigo, durante os meses de abril, maio e xuño desenvólvese un curso de perfeccionamento do galego e outro de iniciación.