Tanto Antón Louro como Abel Caballero salientaron a "boa marcha" dos proxectos do Goberno de España en Vigo, como a Alta Velocidade, a ampliación de Peinador, a nova estación de Urzáiz, as autovías, a Biblioteca do Estado e a nova depuradora, entre outros. Alcalde e delegado destacaron a "cooperación e lealtade" establecida entre as partes.
O tenente de alcalde, Santi Domínguez, asegurou hoxe que a reforma de rúas que se está a desenvolver no Casco Vello "é unha actuación como nunca se fixera ata o de agora" no barrio. Na visita que realizou hoxe as obras acompañado do concelleiro de Patrimonio Histórico, Eudosio Álvarez, explicou que se está a traballar nun total de 16 rúas sobre unha superficie de 8.716 metros cadrados cun investimento de 3,7 millóns de euros.
O Concello organiza esta fin de semana actividades para celebrar o Día das Letras Galegas que este ano homenaxea a Ramón Piñeiro.
O 18 de maio celébrase o Día Internacional dos Museos e, con tal motivo, o Museo do Mar de Galicia organiza o vindeiro domingo, 17 de maio, unha rota con diferentes actos lúdicos e culturais baixo o nome Liña de Sal, e que trata de amosar ao público xeral os antigos procesos de producción e usos do sal en Vigo.
Con data 14 de maio de 2009, a Xunta de Goberno Local do Concello de Vigo, adoptou acordo polo que se aproban as bases de selección para a contratación laboral por acumulación de tarefas durante un periodo de cinco meses, prorrogables por un mes mais, de dous/dúas oficiais conductores/as, tres oficiais xardineiros/as e doce operarios/as peóns, para reforzar os traballos de limpeza e coidado dos areais da cidade e os seus accesos, con motivo da preparación da tempada de baño correspondente ao presente ano.
De acordo co art. 36.3 da Ordenanza fiscal xeral deste Concello, establécese a data límite para admisión de solicitudes de altas, modificacións e baixas de domiciliacións da taxa pola recollida do lixo vivenda e exc. Unificadas industriais (EUI) do ano 2009 ata o 15 de maio do presente ano.
<br />