venres, 2 dec 2011
O vindeiro sábado, 3 de decembro, ás 20:00h, o espazo xuvenil VigoSónico (Estrada do Portal – Parque Tecnolóxico de Valadares) da Concellería de Xuventude do Concello de Vigo acollerá o concerto de rap de Polos Opuestos.O concerto é gratuíto e responde aos obxectivos da Concellería de Xuventude de apoiar as iniciativas musicais da mocidade da nosa cidade, aportando para elo salas de ensaio, información, formación e divulgación.
xoves, 1 dec 2011
A Concellería de Xuventude abre o prazo para inscribirse no curso de monitor/a de actividades de tempo libre, destinado á mocidade de Vigo, con idades comprendidas entre os 18 e os 35 anos. Para poder realizar este curso deberase estar en posesión do título de graduado escolar ou equivalente.
mércores, 30 nov 2011
A Concellería de Xuventude abre o prazo para a inscrición do obradoiro de horta urbana ecolóxica destinado á mocidade de Vigo ata os 35 anos de idade e con interese neste tema. O obradoiro realizarase nos exteriores da Casa da Xuventude e ten co fin sensilibilizar en materia ambiental e de sustentabilidade.
martes, 22 nov 2011
Máis de 350 alumnos de primeiro e segundo de Educación Primaria participaron esta mañá no Verbum en sendas sesión de contacontos sobre igualdade de homes e mulleres. Esta é unha das actividades promovidas pola concellería de Igualdade e o Consello Municipal da Muller para conmemorar o 25 de novembro, día Internacional contra a violencia de xénero.
martes, 8 nov 2011
Xa vos podedes inscribir nas actividades formativas que temos organizadas en Vigosónico para o mes de novembro. A oferta divídese en formación de música, audiovisual e informática
mércores, 2 nov 2011
O Servizo de Turismo Xuvenil da Concellería de Xuventude convida ós mozos e mozas de Vigo a unha visita guiada para percorrer os mellores traballos de Lee Miller, un dos grandes nomes da fotografía do século XX. A visita terá lugar o xoves, día 3 de novembro, ás 18 horas no C.C. da Fundación Novacaixagalicia.<br />
venres, 28 out 2011
Esta fin de semana remata a primera fase do taller de horta urbana da Concellería de Xuventude. Trátase dunha iniciativa que se ven desenvolvendo durante este ano dirixido á mocidade de Vigo.<br />
xoves, 29 set 2011
Dende as alturas é a segunda exposición de Josías Figueirido na cidade de Vigo. Nela, o visitante atoparase cunha selección de debuxos e pinturas que mostran diferentes paisaxes do entorno vigués.A mostra poderase visitar ata o 14 de outubro na sala de exposicións da Casa da Xuventude.
martes, 14 xuñ 2011
O colectivo GAC7-Grupo de Acción Costeira da Ría de Vigo-A guarda e Astropenta Medio Ambiente presentan o xoves 16 de xuño ás 19.00 horas o documental "Un mar de mulleres" no Punto Xove.
mércores, 18 mai 2011
A concelleira de Xuventude, Iolanda Veloso, presentou este mércores unha nova edición do programa Verán Xove, que neste ano 2011 oferta máis de 2.000 prazas, ao incluír novas propostas nas ludotecas, Súbete ao Castro e Vigosónico. "Sabemos que é un servizo fundamental para a cidadanía, polo que nos pareceu moi importante non incrementar os prezos. Tentamos así aplicar a austeridade no seu sentido real", subliñou a concelleira nacionalista. As inscricións pódense facer do 1 ao 10 de xuño na Casa da Xuventude.
