Escoitar

Accións formativas da Concellería de Medio Ambiente

A Concellería de Medio Ambiente inicia este sábado 27 de outubro o seu plan de formación de outono. As accións previstas son cursos básico de hortas urbanas, cursos de iniciación ao voluntariado medioambiental e cursos específicos de voluntariado en Vigozoo.O proceso de inscrición terá lugar entre o luns e o xoves previo a cada actividade por vía do 010. Terán prioridade os cidadáns empadroados en Vigo.

mércores, 24 out 2012
Cursos básico de hortas urbanas (27 outubro, 3 novembro e 10 novembro)

Horario: 10:00 -14:00
Lugar: Vigozoo.
Destinatarios: maiores de idade. 50 prazas
Inscrición: no 010 ata o xoves previo
Achega: 5 euros (en Vigozoo)
Nota: a realización deste curso habilita para participar nas hortas urbanas en réxime de cesión. Iniciarase ás persoas participantes no cultivo urbano, tanto en espazos propios (xardíns ou terrazas) como en espazos que a Concellería de Medio Ambiente ten previsto pór a disposición da cidadanía. Está previsto abordar os cultivos propios de tempada, así como técnicas de cultivo, de compostaxe, etc. Tamén se darán a coñecer as accións municipais previstas no tocante a hortas urbanas.

Cursos de iniciación ao voluntariado medioambiental (27 outubro e 24 novembro)

Horario: 10:00 -14:00
Lugar: Vigozoo.
Destinatarios: maiores de idade. 90 prazas
Inscrición: no 010 ata o xoves previo
Achega: Gratuíto

A formación de voluntariado mediambiental de Camiño a Camiño pretende capacitar ás personas participantes nas actividades de conservación (erradicación de prantas invasoras, replantación de prantas autóctonas, limpeza, etc) que a Concellería de Medio Ambiente está a promover no río Lagares ou nas Illas Cíes, así como novas accións previstas nos areais das praias. Durante o último ano preto de 450 persoas teñen realizado estes cursos e en total tense realizado voluntariado por un total de 10.000 horas. Resulta imprescindible ter realizado o curso para poder participar nas accións de voluntariado.
Como novidade, e para os voluntarios e voluntarias que xa teñen realizado o curso de iniciación, vaise realizar un curso específico de voluntariado en Vigozoo. Neste curso abordarase a laboura específicia que desempeñaran as persoas voluntarias no departamento de educación do parque relacionadas con colectivos que realizan visitas ao longo do ano.

b]Cursos específico de voluntariado en Vigozoo (3 novembro)

Horario: 10:00 -14:00
Lugar: Vigozoo.
Destinatarios: voluntarios/as de Camiño a Camiño. 30 prazas
Inscrición: no 010 ata o xoves previo
Achega: Gratuíto

MÁIS INFORMACIÓN

Toda a información de Camiño a Camiño estará dispoñible na web da Concellería de Medio Ambiente, no blog de camiño a camiño (http://caminoacaminovigo.blogspot.com/) e no servizo de información ao cidadá 010.
O proceso de inscrición terá lugar entre o luns e o xoves previo a cada actividade por vía do 010. Terán prioridade os cidadáns empadroados en Vigo.