A Xunta Local de Goberno aprobou o convenio con Vueling Airlines para subvencionar o vóo Vigo-Londres desde o 27 de marzo ao 25 de outubro de 2012. Tal e como explicou o rexedor, desde o Concello "non imos cancelar este vóo con Heathrow, con conectividad cos aeroportos máis importantes do mundo", a pesar da competencia desleal da Xunta que "financia vóos en Santiago con cartos de Vigo".
No marco do Plan Municipal de Emprego, o alcalde asinou este venres convenios coa Federación de Comercio Vigo Histórico e asociacións de Lavadores, Calvario, Beade e Valadares por valor de 330.800 euros, cos que xeraránse 47 postos de traballo. Ata o momento, o Concello xa aprobou acordos por 1,8 millóns para a creación de 201 empregos.
O alcalde de Vigo avanzou hoxe venre que o Goberno local aprobou unha subvención de 15.000 euros para que a Rede de Mulleres Veciñais contra os malos tratos organice programas de axuda a mulleres en perigo de exclusión.
A Concellería de Igualdade abre o prazo de inscrición para o obradoiro de carácter gratuíto: "XÉNERO E IGUALDADE DE OPORTUNIDADES ENTRE MULLERES E HOMES. ANÁLISE DOS FACTORES QUE INTERVEÑEN NA DESIGUALDADE".
Ponse en coñecemento do público en xeral que por mor da obra de REPARACIÓN DE PAVIMENTO PETREO, a realizar pola empresa Concello de Vigo, estará pechada ao tráfico a rúa DOCTOR CADAVAL, treito entre Progreso e López de Neira, con acceso exclusivo para garaxes, dende o venres 26/10/2012 ás 22:00 horas e por un período aproximado de dous días.