Abel Caballero informou este mércores da ratificación por parte do goberno local da urxencia e do excepcional interese público da actuación da factoría na actividade económica e no emprego de Vigo e da área metropolitana, xa que co aumento das liñas de produción poderá optar á construción de novos modelos, como a furgoneta K9.
A Unión Federal da Policía non só está de acordo co traslado da Cidade da Xustiza ao Xeral senón que xa está aportando ideas para que o deseño sexa o máis axeitado posible para todos os usuarios. Así o explicou o rexedor esta mañá logo de manter un encontro con responsables deste colectivo. <br />
Caballero recibiu este luns o respaldo dos rexedores de Nigrán, Baiona e Gondomar (municipios do partido xudicial de Vigo) e do presidente da Cámara de Comercio á demanda de asegurar o traslado das dotacións xudiciais ao antigo hospital Xeral a través dun convenio entre as administracións que elimine incertezas.
A Xerencia de Urbanismo aprobou este venres a cesión gratuíta de dúas parcelas na avenida Ramón Nieto para a construción dun máximo de 22 vivendas en cada unha delas e a doazón dun terreo na rúa Canicouva na que se poderá erguer unha edificación de 4 alturas. Ámbalas propiedades do patrimonio municipal suman un valor de 1.200.000 euros e nelas o Instituto Galego de Vivenda e Solo construirá vivendas de promoción pública. <br />
Un convenio a tres bandas -Goberno Central, Xunta e Concello- é imprescindible para salvagardar o traslado da Cidade da Xustiza ao Xeral de hipotéticos cambios políticos nas institucións. Así o acordaron o rexedor de Vigo e as tres centrais sindicais cos que esta mañá mantivo unha reunión para abordar esta cuestión.