luns, 7 dec 2015
Caballero adicará esta semana a reunións con colectivos da cidade -como as celebradas este luns con sindicatos e colexios de abogados, aparelladores e arquitectos- e será na próxima cando o goberno de Vigo adopte "decisións" para "minimizar o impacto" da anulación xudicial do Plan Xeral. O alcalde considera "moi importante a cooperación doutras administracións" para acortar a tramitación urbanística.
xoves, 26 nov 2015
O Concello xa ten agrupados os terreos para a Cidade da Xustiza -de titularidade municipal-, remitidos ao Rexistro da Propiedade, inscritos no Patrimonio Municipal do Solo e solicitada a referencia catastral. Os trámites restantes, explicou Caballero este xoves, son cuestións "formais" que non impiden á Xunta de Galicia avanzar coa licitación do proxecto e obra, que non pode iniciar por non ter consignada unha partida orzamentaria.
venres, 6 nov 2015
O alcalde informou hoxe venres da tramitación, pola Xerencia de Urbanismo, da cesión ao goberno autonómico dos terreos para a construción da nova dotación xudicial. O Concello, explicou Caballero, xa adicou 4,5 millóns en medio ao efecto mentres que "a Xunta de Galicia nin sequera iniciou a licitación" do proxecto, que "pode e debe" iniciala.
martes, 3 nov 2015
Abel Caballero deu conta esta mañá do envío dunha carta ao vicepresidente da Xunta, Alfonso Rueda, transmitíndolle que xa están a disposición do terreos para construír a Cidade da Xustiza. En declaracións aos medios, o rexedor instou ao goberno autonómico a comezar "de inmediato" as obras.
