O goberno de Vigo iniciou a tramitación ambiental do Plan Especial que posibilitará facer unha nova entrada ao colexio desde a Estrada de Camposancos, deixando a actual só para peóns. O procedemento durará uns dous anos e o alcalde lamentou que a Xunta negara a aplicación da lei 3/2016 para acurtar os prazos.
O borrador do Plan Xeral que se aprobará a finais de agosto permitirá elevar a 3,5 millóns os metros cadrados de zonas verdes na cidade ademais de aumentar de 15 a 32 o número de parques de máis de 25.000 m2. Así o explicou María Xosé Caride nunha rolda de prensa no que tamén avanzou a construción de 14.500 vivendas de protección.
Vigo contará con 14.500 vivendas de protección ao amparo do Plan Xeral que o Goberno local prevé aprobar inicialmente a finais de agosto. O borrador deste documento incorpora xa o 81% das suxestións realizadas por asociacións de veciños e particulares.
A Xerencia de Urbanismo aprobará este martes o expediente para cinco inmobles e catorce parcelas co obxectivo de “refacer unha parte enteira do Berbés, da cidade, recuperando espazos deteriorados” cun proxecto que contempla tamén a ordenación de todo o espazo.
A finais do próximo mes de agosto aprobarase inicialmente o Plan Xeral de Ordenación Municipal para cumprir coas obrigas do Instrumento de Ordenación Provisional. O alcalde anunciou esta mañá que o período de exposición pública arrancará o 20 de setembro e prolongarase durante 3 meses, trinta días máis do que recolle a lexislación vixente.
O alcalde supervisou esta mañá o inicio dos traballos de demolición do antigo aparcamento de Porta do Sol para poder seguir avanzando na construción do túnel. Desde hoxe unha grúa de 220 toneladas situada na zona do Sireno permitirá retirar a estrutura existente.
Caballero reiterou esta mañá a súa “oposición frontal á máis recheos porque queren matar a Ría”. Así o dixo logo de coñecer o Plan de Empresa do Porto de Vigo que prevé tres novos recheos, un en Bouzas e outros dous nos peiraos de Comercio e Reparacións. Tamén amosou o seu rexeitamento ao proxecto de conexión ferroviaria a Bouzas.
A Xunta de Goberno Local aprobou este xoves a contratación, por procedemento aberto, das obras de execución do proxecto de rexeneración da fronte marítima de Bouzas cun orzamento de 3.759.000 euros. “Unha actuación excepcional” que permitirá, segundo o alcalde, “facer un Bouzas máis atractivo para a xente, humano e humanizado”.
O orzamento de inversións da Consellería de Educación inclúe 50.000 euros para a posta en marcha do IES de Navia o que demostra “que non hai vontade de construílo”. O rexedor lembrou esta mañá que a Xunta aínda non respostou á proposta de convenio que o Concello lle enviou en febreiro de 2020.
O alcalde informou este luns da participación do arquipélago no Workshop de Arquitectura de Venecia, que se celebra do 28 de xuño ao 16 de xullo, baixo o lema “Illas. Arquitectura e paisaxe de auga” co obxectivo de estudar as paisaxes insulares.