luns, 30 ago 2021
Abel Caballero visitou este luns os traballos de construción do enlace soterrado que conectará a rúa Lepanto coa autoestrada, que “xa está avanzadísimo e impresiona” polo seu ancho e altura. O alcalde informou que a metade do túnel xa está escavado.
xoves, 26 ago 2021
A Corporación, reunida este xoves en sesión extraordinaria, validou o documento co apoio do goberno de Vigo, a negativa do Partido Popular e a abstención de Marea e do concelleiro non adscrito. O alcalde destacou as liñas estratéxicas do documento: seguridade xurídica, vivenda accesible, espazos verdes, dotacións públicas, novas conexións viarias e solo industrial.
luns, 23 ago 2021
Abel Caballero adiantou que sobre o 20 de setembro abrirase o prazo de exposición pública do novo planeamento e trasladou que o Concello habilitará un espazo onde a cidadanía poida consultar os detalles cos técnicos. “É un paso moi importante, porque é o urbanismo da modernidade, o urbanismo para a xente”, valorou.
venres, 20 ago 2021
O Diario Oficial de Galicia publicou este venres a aprobación definitiva da modificación puntual do PXOM para a reordenación do ámbito do Barrio do Cura. O goberno de Vigo xa dispón do proxecto de compensación presentado pola promotora, segundo explicou Caballero, e conta con recibir “en breve” o de urbanización.
xoves, 19 ago 2021
Segundo explicou Caballero, o solo para equipamentos do sistema xeral (concibidos para ser usados por toda a cidadanía) se incrementa en 500.000 m2 co novo PXOM, mentres que os do sistema local (pensado para as necesidades de cada parroquia) aumentan en 400.000 m2 máis. “É unha revolución para Vigo”, valorou o alcalde.
mércores, 18 ago 2021
A Xunta de Goberno Local deu luz verde este mércores á aprobación inicial dun PXOM “equilibrado” entre o peso residencial e de acción produtiva. O alcalde explicou que o documento reserva 159,17 hectáreas para dar cabida a novos usos industriais e/ou terciarios.
martes, 17 ago 2021
O novo Plan Xeral en tramitación contén “un cambio de filosofía no urbanismo de Vigo”, en verbas de Caballero, que fará posible integrar as singularidades de 27 barrios da cidade coa mellora da calidade de vida do entorno. En lugar de facer “borrón e conta nova”, como acontecía co PXOM de 2008, agora se adapta a ordenación ás particularidades das zonas.
venres, 13 ago 2021
Será desenvolto directamente polo Concello, segundo informou este venres o alcalde, quen indicou que a nave municipal será trasladada ao entorno de Severino Cobas, nos terreos da antiga Afansa. “O Plan Xeral ratifica o compromiso do goberno de Vigo coa vivenda protexida”, asegurou Caballero.
xoves, 12 ago 2021
Sen votos en contra, a Xerencia de Urbanismo aprobou inicialmente o documento, que será ratificado pola Xunta de Goberno Local e, a finais de mes, polo Pleno. O alcalde valorou un Plan “libre de especulación”, con 14.500 novas vivendas con algún tipo de protección, novos viais, zonas verdes e dotacións públicas: “Unha gran inxección de recursos para mobilizar a economía de Vigo”.
mércores, 11 ago 2021
O alcalde, que asegurou aprobará o Plan Xeral de Ordenación Municipal cos 20 votos do Grupo Municipal Socialista, cualificou de “plan moi verde” o documento que chega o xoves ao Consello da Xerencia de Urbanismo e que aprobarase en Pleno no mes de agosto.