O alcalde, Ventura Pérez Mariño, asinou o convenio para a entrada en funcionamento dunha nova quenda de rehabilitación de vivendas no Barrio Histórico. O orzamento total das actuacións previstas é de 809.474 euros que servirán para arranxar 31 vivendas en tres anualidades.
A orde do día do Consello da Xerencia de Urbanismo inclúe temas propios do consello constitutivo entre os que destacan as propostas da presidencia para a designación da vicepresidencia e para a selección e nomeamento da figura do xerente de Urbanismo.
A primeira reunión de seguemento do Pxom terá lugar na Consellería de Política Territorial, Obras Públicas e Vivenda o próximo martes 15 de xullo.
O concelleiro de Urbanismo en funcións, Xavier Toba, presentou o Plan especial de reforma interior do Casco Vello que pretende protexer e servir de instrumento para a súa revitalización a través de actuacións de rehabilitación.
O equipo redactor do Plan xeral de ordenación municipal entregou o documento revisado do que se farán catro copias en formato dixital para a toma de coñecemento dos grupos municipais que conformarán a nova Corporación de cara a guiar o novo modelo urbanístico da cidade.
O Concello de Vigo xa dispón dunha cartografía dixital de todo o termo municipal que permitirá mellorar a xestión dos padróns e facilitará os traballos de planeamento urbanístico. A cartografía elaborouse a través dun convenio co Centro de Xestión Catastral do Ministerio de Facenda.
O Consello da Xerencia de Urbanismo concedeu a licencia a un grupo de cooperativistas para a construcción de vivendas de protección oficial no polígono de Navia. Os beneficiarios son Vecinos de Vigo Sociedad Cooperativa de Viviendas e Porta do Atlántico Sociedade Cooperativa Galega de Vivendas.
O proceso de actuacións destinado a revitalizar o Barrio Histórico, mediante a mellora da paisaxe urbana e a renovación de servicos básicos e de fomento do tecido económico e social, realizouse nos últimos anos cun importante esforzo económico do Concello de Vigo e cunha subvención europea. Os interesados poden consultar a memoria do Urban na web municipal.
A reunión do Consello celebrarase no edificio da Xerencia a partir das dez da mañá co seguinte orde do día:
O Consello da Xerencia de Urbanismo aprobou o proxecto de expropiación de terreos para a ampliación da rúa Manuel Álvarez, un vial que une Ramón Nieto coa estrada vella de Madrid. En total vanse expropiar 5.488 m2 que corresponden a 79 propiedades diferentes. O proxecto de urbanización de Manuel Álvarez, que prevé a ampliación do vial a 14 metros de ancho, será sometido a aprobación a vindeira semana.