mércores, 23 xul 2008
O tenente de alcalde, Santi Domínguez salientou o aspecto turístico da primeira Ruta de Automóbiles Antigos Vigo- Costa da Morte- Santiago de Compostela, á que lle deu a saída este mércores no museo Verbum- Casa das Palabras. Dende Vigo partiron 25 participantes que, tras percorrer máis de 400 kilómetros divididos en sete etapas, chegarán á cidade compostelá o vindeiro sábado, 26 de xullo.<br />
<br />
martes, 22 xul 2008
Do 1 ao 7 de setembro, o Casco Vello de Vigo acollerá a primeira edición da Vicus Romanorum, a primeira festa romana da cidade, segundo anunciou hoxe o tenente de alcalde e concelleiro de Cascos Históricos, o nacionalista Santi Domínguez. O obxectivo desta iniciativa, na que se desenvolverán exposicións, obradoiros, ciclos de cine e recreacións históricas, radica na "recuperación do que foi o inicio da nosa cidade".<br />
mércores, 9 xul 2008
Nas vindeiras horas e "en función das condicións do mar", sairá do Porto de Vigo a embarcación que representará de Turismo de Vigo e promocionará á cidade na Festa Marítima que terá lugar na localidade francesa de Brest, segundo anunciou este mércores o tenente de alcalde Santi Domínguez. "Posto que Galiza será o país invitado na festa que do 11 ao 17 de xullo se celebrará en Brest, Vigo tiña que estar presente sen ningunha dúbida", salientou o tenente de alcalde.
luns, 16 xuñ 2008
O vindeiro mércores, 18 de xuño, iniciarase a temporada de verán 2008 coa posta en marcha dos servizos de información turística de Vigo, segundo anunciou este luns o tenente de alcalde,Santi Domínguez. Así, abriranse as oficinas de turismo ubicadas na Estación Marítima, A Pedra, Praza de España, Estación de Renfe e Porta do Sol, onde se facilitará información para todas as persoas que cheguen á cidade, porase en marcha o Bus Turístico e tamén as rutas culturais.
venres, 13 xuñ 2008
O tenente de alcalde, Santi Domínguez, salientou este venres a consolidación do Galiexpo Motor Show como referente dos eventos do mundo do motor que se celebran en Vigo. Santi Domínguez subliñou ademais, no acto de inauguración do salón, que se celebra ata o vindeiro domingo 15 de xuño no Instituto Feiral de Vigo, que se trata dun dos grandes certames que se celebran no Ifevi ao longo do ano que acolle expositores de túning, turismos, automóbiles clásicos, todoterreos e motos con espectáculos e animación relacionados co mundo do motor.
venres, 16 mai 2008
A cidade presentou este ano por primeira vez a súa oferta turística na feira "Expovaciones" que se celebra en Bilbao e na que están representados 25 países e todas as comunicades autónomas. O tenente de alcalde e concelleiro de Turismo, Santi Domínguez, viaxou a Bilbao para apoiar a presentación da oferta de Vigo, que está integrada no pavillón de Turgalicia.
xoves, 15 mai 2008
A cidade de Vigo estreou hoxe a súa nova sinalización turística. O tenente de alcalde e concelleiro de Comercio e Turismo, Santi Domínguez, presentou a primeira fase do proxecto de sinalización turística da cidade, que ten como obxectivo "facilitar ás persoas que nos visitan toda a información que podan necesitar para desprazarse pola cidade, chegar aos lugares de interese ou poder interpretar o que están vendo. É un paso máis no plan de excelencia turística que temos en marcha", explicou o tenente de alcalde.
mércores, 14 mai 2008
O tenente de alcalde, Santiago Domínguez , presentou este mércores Galiexpo Motor Show, o salón que unirá no IFEVI, os días 13,14 e 15 de xuño expositores de túning, turismos, automóbiles clásicos, todoterreos e motos con espectáculos e animación relacionados co mundo do motor.
luns, 14 abr 2008
A cidade de Vigo contará, a partir do mes de xuño, cun sistema pioneiro para guiar aos turistas que se acheguen á cidade e queiran coñecela empregando as novas tecnoloxías de xeito doado, anunciou este luns o tenente de alcalde e concelleiro de Turismo, Santi Domínguez. Trátase dunha audioguía multimedia baseada no sistema GPS que estará a disposición dos usuarios nas oficinas de turismo mediante aluguer e dos deportistas que participen na Universiada se Vigo é sede do evento en 2013 "para que poidan coñecer no seu tempo de lecer os principais aspectos da cidade".
mércores, 26 mar 2008
O tenente de alcalde, Santi Domínguez, e o director da concesionaria de transporte urbano Vitrasa, Juan Carlos Villarino, acordaron potenciar o autobús turístico e "incorporar novidades de cara á nova tempada de verán", segundo acordouse na reunión que mantiveron hoxe en dependencias da Tenencia de Alcaldía. Entre as novidades figura a posibilidade de que este servizo poda ser utilizado por grupos organizados.
