Na moción socialista, aprobada este mércores no Pleno cos votos a favor de tódolos grupos salvo a abstención dos populares, ínstase ao presidente da Xunta a que recoñeza o papel de Peinador no sistema aeroportuario galego e a súa contribución á economía da área metropolitana.
A moción socialista, apoiada polo grupo mixto e o concelleiro non adscrito, reclama a Feijóo que atenda as demandas laborais do persoal sanitario, cesando ao conselleiro de Sanidade. Tamén se aprobou instar á Xunta a dotar de equipos informáticos e conectividade ao alumnado que o precise para o próximo curso.
A maioría do Pleno deu luz verde esta mañá a unha moción do grupo socialista na que se lle pide á Xunta que deixe de poñer atrancos á obra pública de Vigo. Segundo defende o texto, despois desta crise sanitaria é máis importante que nunca reactivar a economía con inversión pública para manter e crear emprego.
O Pleno do Concello de Vigo aprobou este mércores na súa sesión ordinaria de maio unha modificación orzamentaria para dotar ao departamento de Benestar Social unha nova partida de 870.000 euros. O goberno local destacou que no primeiro trimestre do ano xa se comprometeron máis de 130 millóns do orzamento.
En sesión ordinaria, o Pleno aprobou mocións instando ao goberno autonómico a transferir ao Concello 2,7 millóns de gasto social municipal polo coronavirus, a crear no prazo dun mes un fondo de acción local para urbes e deputacións por 300 millóns e a elaborar un Plan de reactivación económica.
O Pleno do Concello de Vigo aprobou este mércores na súa sesión ordinaria de abril unha resolución da Alcaldía na que se propón manter as axudas sociais e fomentar o emprego e todas as actividades económicas da cidade. Todos os grupos municipais e concelleiros votaron a favor.
O alcalde de Vigo destacou este mércores no Pleno da Corporación Municipal o labor que está a realizar o Concello no contexto da pandemia do Covid-19 e o papel que xogará no futuro. “Estaremos á fronte do proceso de recuperación en todos os ámbitos”, sinalou.
Sen votos en contra, os concelleiros validaron este mércores a moción que insta a Goberno de Vigo, Xunta de Galicia e Goberno de España a promover accións concretas que eviten "a destrución" do sector da cultura na cidade, unha vez estea superada a crise sanitaria.
O alcalde explicou que “non descarto en absoluto” atrasar novamente os prazos para abonar os impostos municipais, segundo evoluciona a pandemia. Caballero detallou ao Pleno as medidas adoptadas nesta crise, facendo fincapé na prevención, limpeza e atención aos máis vulnerables, cunha partida “sen límite orzamentario” para as axudas de emerxencia.
O Pleno do Concello aproba por unanimidade a declaración que previamente aprobou a Federación Española de Municipios e Provincias baixo o lema “Queremos participar na construción deste novo futuro”.