xoves, 15 out 2020
O alcalde cualificou esta aprobación como un “gran avance” na historia da cidade que suporá unha recuperación “extraordinaria” dunha zona moi deteriorada no centro de Vigo. A modificación puntual do Plan Xeral saíu adiante esta mañá cos votos favorables de PSOE e PP, co voto en contra de Marea e a abstención do concelleiro non adscrito.
mércores, 14 out 2020
“Mañá acaba o percorrido dun cuarto de século de espera, desde este goberno local estamos cosendo as feridas da cidade, facendo que saia á luz unha nova pel brillante”, sinalou este mércores o alcalde de Vigo tras anunciar que o Pleno Municipal aprobará de forma provisional este xoves a ordenación urbanística do Barrio do Cura.
mércores, 30 set 2020
O Pleno validou a normativa que dará cabida legal aos elevadores no exterior dos edificios colectivos xa construídos e que non ofrecen a posibilidade de habilitalos no interior. A edil de Urbanismo explicou que o obxectivo da medida é garantir a igualdade e a accesibilidade de todos e todas.
mércores, 30 set 2020
O Pleno aprobou este mércores o proxecto de modificación da ordenanza para que o recibo sexa máis progresivo, en función do consumo, e fomentar o uso responsable da auga. O concelleiro de Facenda asegurou que o recibo baixará para a maioría das familias.
mércores, 30 set 2020
O Pleno aprobou este mércores unha moción do grupo municipal do PSOE no que se pide á Xunta de Galicia que resolva a situación das aulas matinais e comedores xestionados por Foanpas. Ademais, tamén foi aprobada outra proposta socialista para reclamar ao Goberno autonómico que facilite máscaras de uso obrigatorio para o alumnado das familias máis vulnerables.
mércores, 30 set 2020
A Corporación sacou adiante este mércores unha moción do grupo do goberno de Vigo na que se demanda á Xunta de Galicia “á adopción de medidas inmediatas para solucionar a situación na que se atopa a atención primaria de Vigo e que tanto preocupa a profesionais e usuarios”.
mércores, 30 set 2020
Licencias urbanísticas de obras e de actividades, impostos sobre construcións, instalacións e obras e taxas de ocupación de vía pública nas festas especiais estarán bonificadas polo Concello de Vigo. O Pleno da Corporación deu o primeiro paso para aplicar a redución de impostos coa aprobación inicial das ordenanzas fiscais.
mércores, 30 set 2020
A maioría dos grupos políticos acordou esta mañá instar ao Parlamento galego a poñer en marcha unha comisión de investigación sobre a xestión da crise sanitaria nas residencias de maiores. O concelleiro non adscrito contou co apoio do PSOE e de En Marea para sacar adiante unha moción que tamén demanda un novo modelo de atención a estas persoas máis vulnerables.
mércores, 30 set 2020
A moción socialista foi aprobada na sesión ordinaria deste mércores na que tamén saíu adiante a moción pola que o Concello demanda ao goberno autonómico a modificación da Lei 2/2017 en materia de regulación do transporte público que obriga a Vigo a asumir o custo de autobús urbano de persoas non residentes na cidade.
mércores, 9 set 2020
Dúas mocións presentadas polo grupo do goberno de Vigo reclaman á Xunta de Galicia que se faga cargo do custo extraordinario de desinfección nos colexios -que presta o Concello e estima en 616.000 euros- e que abra unha mesa de diálogo coa Federación de ANPAS para dotalos de recursos para poder prestar o comedor escolar, aulas matinais e actividades extraescolares.