venres, 30 dec 2011
O convenio rubricado este venres polo alcalde de Vigo e o Centro Cultural, Artístico e Recreativo de Valadares permitirá ao colectivo erixir a Escola de Música do barrio, sufragada ao 100% polo Concello de Vigo. Os veciños elaboran o proxecto e constrúen o edificio con financiamento municipal, nun "magnífico sistema de cooperación" que procura "aproveitar a calidade docente e musical da Unión Musical de Valadares".
mércores, 28 dec 2011
O alcalde de Vigo entrevistouse este mércores con representantes desta entidade, dedicada á reconstrución e mantemento de embarcacións tradicionais a vela. O Concello xa colabora coa Asociación e Abel Caballero adiantou que proponse incrementar dita cooperación, xa que Remadoira sostense unicamente coa aportacións dos seus socios e a subvención do goberno local.
martes, 13 dec 2011
O concelleiro de Participación Cidadá, Santos Héctor, presentou este martes a edición de Nadal dos obradoiros infantís gratuitos, que acollerán os centros cívicos municipais entre o 23 de decembro e o 5 de xaneiro. A inscripción ábrese o venres no teléfono 010 para nenos entre 3 e 13 anos, repartidos por grupos de idade. As actividades serán de mañá e dan cumprimento a un "compromiso" adquirido polo alcalde ao inicio do anterior mandato, segundo indicou o edil.
mércores, 7 dec 2011
O Instituto de Estudios Vigueses e o Concello de Vigo inician unha etapa de entendemento que permitirá que a institución sega a facer o seu traballo en pro da cultura da cidade. Así o explicou o alcalde, logo de manter esta mañá coa nova xunta directiva da asociación, quen avanzou que a sede provisional do Instituto será o edificio municipal de Areal.
xoves, 1 dec 2011
O rexedor avanzou que 87 asociacións socioculturais da cidade organizaron distintos eventos no 2011 co apoio do Concello de Vigo, quen aportou case 100.000 euros. Este foi un dos acordos adoptados esta mañá nunha Xunta de Goberno local na que tamén se adxudicou, por 42.480 euros, a contratación do deseño e produción das carrozas da Cabalgata de Reis deste ano.
xoves, 17 nov 2011
O concelleiro de Participación Cidadá, Santos Héctor, participou este xoves na presentación do programa "Na diabetes tipo 2, non esquezas o teu colesterol e ...viceversa", no marco dunha campaña socio-sanitaria que desenvolve a Federación de Diabéticos Españois e a Asociación de Diabéticos de Vigo. O edil municipal transmitiulles o compromiso do Concello a colaborar no que precisen.
martes, 25 out 2011
O alcalde vigués anunciou hoxe martes a disposición do Goberno municipal de facer inversións en instalacións deportivas entre o parque de Navia e as vivendas. Así o avanzou llo trasmitiu aos membros da asociación veciñal Teixugueira, durante un encontro no que tamén lles trasladou a negativa do Concello a recepcionar o parque ata que a Xunta non subsane as deficiencias das que informaron técnicos municipais.
xoves, 6 out 2011
Abel Caballero e o representante veciñal da Asociación Curva de San Gregorio asinaron hoxe xoves un convenio polo que o Concello aporta 3.000 euros para organizar cursos de tecnoloxías da información e da comunicación e sufragar parte do aluguer do local. O alcalde recordou que a AVV cooperou co goberno local na humanización da segunda fase de Tomás Alonso.
mércores, 14 set 2011
Abel Caballero reuníuse este mércores cos representantes da Asociación Veciñal da Miñoca, onde asinaron un convenio de colaboración polo que o goberno local achega 4,600 euros para sufragar os gastos do aluguer do seu local. Ante as peticións cursadas polas entidades, o alcalde avanzou que manterá reunións coas Asociacións de Veciños de manera individual, ao estar máis próximas á cidadanía.
martes, 13 set 2011
O alcalde de Vigo e a Fundación Secretariado Xitano rubricaron este martes o tradicional convenio de colaboración polo que o Concello achega 16.000 euros á entidade para mellorar as capacitacións sociais, formativas e laborais do colectivo. Abel Caballero avanzou que, de cara a próximas medidas conxuntas, goberno local e Fundación priorizarán completar o ensino obrigatorio dos estudantes xitanos, ante o elevado índice de fracaso escolar que rexistran.
