mércores, 14 set 2011
Abel Caballero reuníuse este mércores cos representantes da Asociación Veciñal da Miñoca, onde asinaron un convenio de colaboración polo que o goberno local achega 4,600 euros para sufragar os gastos do aluguer do seu local. Ante as peticións cursadas polas entidades, o alcalde avanzou que manterá reunións coas Asociacións de Veciños de manera individual, ao estar máis próximas á cidadanía.
martes, 13 set 2011
O alcalde de Vigo e a Fundación Secretariado Xitano rubricaron este martes o tradicional convenio de colaboración polo que o Concello achega 16.000 euros á entidade para mellorar as capacitacións sociais, formativas e laborais do colectivo. Abel Caballero avanzou que, de cara a próximas medidas conxuntas, goberno local e Fundación priorizarán completar o ensino obrigatorio dos estudantes xitanos, ante o elevado índice de fracaso escolar que rexistran.
mércores, 3 ago 2011
Abel Caballero e o concelleiro de Participación Cidadá, Santos Héctor, visitaron este mércores os obradoiros infantís que organiza o Concello nos catro centros cívicos municipais, tras a que o alcalde avanzou que o goberno que preside ofrece e ten cuberto este verán 2.800 prazas en actividades de verán para os máis pequenos. Caballero salientou a variante lúdica e formativa destes obradoiros cunha "demanda moi importante" entre as familias.
luns, 27 xuñ 2011
Abel Caballero e os secretarios comarcais de CC.OO., UGT e CIG mantiveron este luns unha primeira "toma de contacto" co gallo do novo goberno local, tras a que o alcalde ratificou a intención municipal de traballar cos sindicatos particularmente nos programas de xeración de emprego, na política social e na obra pública do Concello. Caballero concedeuse un mes para estudar como plasmar a colaboración nestas áreas.
xoves, 16 xuñ 2011
O concelleiro de Participación Cidadá, Santos Héctor, reiterou hoxe xoves o rexeitamento do Goberno de Vigo ás enmendas do PP á Lei de Área Metropolitana. Así o fixo constar nun encontro que mantivo esta mañá con representantes sindicais, a primeira reunión dunha rolda de contactos que o concelleiro vai manter con distintos colectivos e organizacións representativas desta cidade co obxectivo de intercambiar opinións sobre este tema, "nun exercicio de transparencia no que, seguindo a liña do alcalde, queremos coñecer a opinión de todos", explicou.
martes, 19 abr 2011
Hoxe martes, o alcalde e os responsables da asociación visitaron o novo local cedido polo Concello para a atención aos enfermos, "unha débeda da cidade" co colectivo que levaba "máis de quince anos" agardando por unha nova sede acorde ás súas necesidades. Abel Caballero apuntou que "Vigo é unha cidade solidaria", e unha "característica desta cidade", e valorou como un "paso moi importante" que a Asociación conte cun novo local con "condicións dignas" para os enfermos.
luns, 4 abr 2011
Abel Caballero realizou na mañá deste luns, 4 de abril, a entrega simbólica das instalacións a AFAGA de forma que nos vindeiros días poderán comezar a traballar cos enfermos en fase leve, desenvolver a aula de formación e traballar tamén coas familias dos doentes. O alcalde anunciou que se esta a estudar a posibilidade doutro local para a asociación de enfermos de parkinson.
venres, 1 abr 2011
O alcalde de Vigo visitou este venres o antigo local de IgualArte en Bouzas para rubricar a cesión dunha nova sede en Arquitecto Pérez Bellas, de 250 metros cadrados, atendendo así ás necesidades de espazo desta Fundación sen ánimo de lucro. A entidade atende a unhas 100 persoas con discapacidade intelectual e traballa na súa normalización mediante a arte. Caballero ensalzou a "excepcional" laboura do colectivo, que agora terá un "lugar moi digno" onde desenvolverse.
mércores, 23 mar 2011
Segundo explicou Abel Caballero, o Concello de Vigo atende a este colectivo mediante formación específica, seguemento e mediación para conseguir a súa inserción no mercado de traballo. Os cursos xiraron en torno á atención cidadá -telefónica, principalmente- e, das 32 persoas formadas, 17 xa teñen traballo, e nos próximos meses se formalizarán os contratos das outras 15 persoas. Caballero afirmou que "as empresas son receptivas porque saben que son persoas cun gran desexo de traballar".
luns, 7 mar 2011
Os centros de Teis, Coruxo e Saiáns -dependentes da Concellería de Participación Cidadá que dirixe o socialista Santos Héctor- comezaron na mañá deste luns os obradoiros para nenos de idades comprendidas entre os 3 e os 13 anos. Os talleres celebraranse os días 7, 8 e 9 de marzo, en horario de 09:45 a 12:45 horas. Ademais na tarde do martes de Entroido terá lugar, a partires das 18:00 horas, unha gran festa de disfraces con concurso.
